ەفيوپيادا 46 ادام قوقىس كوشكىنىنىڭ استىندا قالدى
بۇل تۋرالى 12 -ناۋرىز كۇنى Associated Press حابارلادى دەپ جازادى lenta.ru.
اگەنتتىكتىڭ حابارلاۋىنشا، قۇربان بولعانداردىڭ باسىم بولىگى بالالار مەن ايەلدەر. كوشكىننىڭ استىندا ونداعان ادامدار جاتىر. قايعىلى جاعداي بولعان جەردە 150 ادام بولعان، ولاردىڭ 37 ىن ارشىپ الدى. قۇتقارۋ جۇمىستار ءالى ءجۇرىپ جاتىر. قوقىس بەتوننان سالىنعان جانە ۋاقىتشا دايىندالعان بىرنەشە تۇرعىن ءۇيدى باسىپ قالدى. ادامدار قوقىستىڭ ماڭىندا وندا ءومىر ءسۇرۋ ارزان بولعان سوڭ مەكەندەپ كەلگەن. سونىمەن قاتار وندا قوقىس جيناپ، ءناپاقاسىن تاۋىپ جۇرگەن ادامدار دا تۇرىپ جاتقان. كوشكىننىڭ جۇرۋىنە نە سەبەپ بولعانى ازىرگە بەلگىسىز. بەلگىلىسى بۇل ورىنعا قالادان 50 جىلدان بەرى قوقىس تاستالىپ كەلگەن. سوڭعى ۋاقىتتا بۇل قالدىقتى پايدالانۋ جۇمىستارى توقتاتىلعان. بيلىك وكىلدەرى قازىرگى وسى ماڭدا تۇرىپ جاتقانداردى كوشىرۋگە كۇش سالۋدا.
