مەيرامحانادان 46 ميلليون تەڭگە ۇرلاعان كۇدىكتىلەر ۇستالدى

قاراعاندى. قازاقپارات - قاراعاندى وبلىسىنىڭ پوليتسەيلەرى شاحتينسك قالاسىندا جاڭا جىل الدىندا ورىن العان قاراقشىلىقتى اشىپ، كۇدىكتى ءۇش ادامدى ۇستادى.

بۇل تۋرالى ايماقتىق ءى ءى د- نىڭ باسپا ءسوز قىزمەتىنەن حابارلادى.

«قاراعاندى وبلىستىق ءى ءى د- نىڭ ۇيىمداسقان قىلمىسپەن كۇرەس ءبولىمىنىڭ قىزمەتكەرلەرى شاحتينسكىدە جاڭا جىل الدىندا بولعان قاراقشىلىق شابۋىلدا كۇدىكتى ءۇش ادامدى انىقتاپ، ۇستادى. وتكەن جىلدىڭ سوڭىندا پوليتسياعا 60 جاستاعى جەكە كاسىپكەر ايەل كەلىپ، 30 -جەلتوقساندا بەتتەرىن بۇركەگەن بەلگىسىز بىرەۋلەر شاحتينسكىدەگى مەيرامحانانىڭ قويما ءبولىمىنىڭ قۇلپىن سىندىرىپ، 66 جاستاعى كۇزەتشىنى قارۋمەن قورقىتىپ، سەيفتى بۇزىپ اشىپ، ىشىنەن 46 ميلليوننان استام تەڭگەنى ۇرلاعانىن حابارلادى»، - دەلىنگەن حابارلامادا.

ايەلدىڭ ءوتىنىشى سوت الدىنداعى تەرگەۋدىڭ ءبىرىڭعاي تىزىلىمىندە تىركەلدى. وبلىستىق ءى ءى د- نىڭ باسشىلىعى قىلمىستى اشۋ ءۇشىن ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرىنەن تۇراتىن تەرگەۋ-جەدەل توبىن قۇردى.

«جەدەل- ىزدەۋ شارالارىنىڭ بارىسىندا 4 -اقپان كۇنى ۇ ق ك ب- نىڭ قىزمەتكەرلەرى قاراعاندى وبلىسىنىڭ ءۇش تۇرعىنىن انىقتاپ، ۇستادى. قولعا تۇسكەندەر كىناسىن مويىندادى. ولاردان ۇرلانعان اقشانىڭ ءىرى سوماسى الىندى»، - دەپ اقپاراتتاندىردى وبلىستىق ءى ءى د- ءنىڭ باسپا ءسوز قىزمەتىنەن.

ۇستالعاندار ۋاقىتشا ۇستاۋ اباقتىسىنا قامالدى. سوت الدىنداعى تەرگەۋ امالدارى جۇرگىزىلۋدە.