اسكەري بورىشىن وتەۋ ءۇشىن 46 كەلىگە ارىقتاعان

استانا. قازاقپارات - كەمەروۆو وبلىسىنىڭ 20 جاستاعى تۇرعىنى اسكەري بورىشىن وتەۋ ءۇشىن 46 كەلىگە ارىقتاعان، دەپ حابارلادى ر ي ا «نوۆوستي» ورتالىق اسكەر وكرۋگ وكىلى ياروسلاۆ روشۋپكينگە سىلتەمە جاساپ.

«كۋزباستاعى پروكوپيەۆسكىدەن اسكەرگە شاقىرىلعان جيىرما جاستاعى سەرگەي مالەۆاننىي وتان الدىنداعى بورىشىن وتەۋ ءۇشىن 46 كەلى سالماقتان ارىلدى. وسىلايشا ول ءوزىنىڭ اسكەرگە جارامدىلىق دەڭگەيىن «گ» (اسكەري قىزمەتكە ۋاقىتشا لايىق ەمەس) دەڭگەيىنەن «ا» (اسكەرگە جارامدى) دەڭگەيىنە كوتەردى. ول ارنايى قىزمەتتە، بارلاۋ جانە ا ا ك قىزمەت ەتە الادى»، - دەدى روشۋپكين.

كوكتەمدە الەمبۇل جىگىتتىڭ بويى 171 س م، ال سالماعى 130 كەلى بولىپ، اسكەري بورىشىن وتەۋگە جارامسىز دەپ تانىلعان.

فوتو: يگور زارەمبو