ەسكى زاڭنىڭ تۇسىندا ءىستى بولعان 46 قىلمىسكەر مەرزىمىنەن بۇرىن بوساتىلدى
UPI اگەنتتىگىنىڭ حابارلاۋىنشا، اق ءۇي قوجايىنى ءتيىستى جارلىققا قول قويا وتىرىپ، ارنايى بەينە ۇندەۋىن جاريالادى. وندا باراك وباما: «امەريكا - ەكىنشى مۇمكىندىكتىڭ ەلى. ءبىز بىرىگە وتىرىپ قاۋىپسىز قوعام قۇراتىنىمىزعا سەنىمدىمىن»، - دەپ اتاپ ءوتتى.
پرەزيدەنت راقىمشىلىعىنا ىلىككەندەردىڭ باسىم بولىگى ەسىرتكىگە قاتىستى ءىستى بولعاندار. ولاردىڭ الدى ءتىپتى 10 جىلىن تەمىر توردا وتكىزىپ ۇلگەرىپتى. 14 ادام ءومىر بويىنا باس بوستاندىعىنان ايىرىلعان. ەندى ول جاندار بيىلعى قاراشادا بوستاندىققا جىبەرىلەدى.
جالپى، بۇگىنگى كۇنى ا ق ش ازاماتتاردى تۇرمەگە توعىتۋ كورسەتكىشتەرىنەن الەمدە كوش باستاپ تۇر. ال مەملەكەت بولسا ءبىر عانا جەڭىل جازالى سوتتالۋشىلاردىڭ كۇتىمىنە ارناپ جىل سايىن 80 ميلليارد دوللار شىعىندايدى ەكەن.
بۇل جايت قوعامنىڭ دا نارازىلىعىن تۋعىزا باستاعان. سوندىقتان پرەزيدەنتتىڭ ايتۋىنشا، ەلدە كريمينالدىق رەفورما قولعا الۋ جوسپارلانىپ وتىر. ب. وبامانىڭ قىزمەتتىك وكىلەتتىگى اياقتالعانشا شامامەن 35 مىڭ ادام، ياعني جالپى قاماۋداعىلاردىڭ %16 ى بوستاندىققا شىعادى دەپ كۇتىلۋدە.
www.24.kz
