اقتاۋ اۋەجايىندا 46 جاستاعى ايەل قايتىس بولدى
جەدەل جاردەم قىزمەتىنىڭ مالىمەتتەرىنشە، ايەل دەرتتىڭ اۋىر ءتۇرى - ءتورتىنشى دارەجەدەگى باۋىر سيرروزىنا شالدىققان، دەپ حابارلايدى lada.kz.
جەدەل جاردەم قىزمەتكەرلەرىنىڭ بايانداۋىنشا، 11 -ماۋسىم كۇنى كەشكى ساعات -20 دا ديسپەتچەرگە اقتاۋ- باكۋ رەيسىنىڭ جولاۋشىسى ءوزىن ناشار سەزىنگەنى تۋرالى حابارلاما كەلىپ تۇسكەن. مەديتسينالىق كورسەتكىشتەر بويىنشا، ايەلدىڭ ۇشۋىنا رۇقسات بەرىلمەدى. ول جەدەل جاردەم بريگاداسى كەلگەنشە وقيعا ورنىندا كوز جۇمعان.
«قايتىس بولعان ايەل (اقتاۋ قالاسىنىڭ تۇرعىنى) ونكولوگيالىق دەرتكە شالدىققان. مۇنداي دياگنوز قويىلعان ادامدارعا ۇشاقپەن ۇشۋعا تىيىم سالىنعان، ءبىراق ايەل وعان قاراماستان ەلىنە كەتپەكشى بولدى. اۋەجاي قىزمەتكەرلەرى ونىڭ ۇشاققا وتىرۋىنا رۇقسات بەرمەدى. اۋە كەمەسى ساعات 20:30 دا ۇشىپ كەتتى، سەگىز مينۋتتان سوڭ ايەل وقيعا ورنىندا جان ءتاسىلىم ەتتى»، - دەدى جەدەل جاردەم قىزمەتكەرلەرى.