الداعى جىلى پاۆلودار وبلىسىندا ورالماندار مەن قونىس اۋدارۋشىلارعا 462 كۆوتا بولىنگەن
بۇل تۋرالى وبلىستىق اكىمدىكتە وتكەن جيىن بارىسىندا وڭىرلىك جۇمىسپەن قامتۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى حەلۋا قاشكەنوۆا ايتتى، دەپ حابارلايدى pavlodarnews.kz.
- ارينە، بۇل ءبىز جوسپارلاعاننان الدەقايدا از، - دەيدى حەلۋا قاشكەنوۆا. «ءوڭىر بويىنشا كەلەسى جىلى ءاربىر قالا مەن اۋدانعا 40 وتباسىنان كەلۋ كەرەك. سوندىقتان قازىردەن باستاپ ەڭبەك كۇشى ارتىق ايماقتاردا اۋىلدىق ەلدى مەكەندەردەگى بوس جۇمىس ورىندارى تۋرالى اقپاراتتىق-ءتۇسىندىرۋ جۇمىستارىن جۇرگىزىپ، جىلدىڭ سوڭىنا دەيىن قونىس اۋداراشىلاردىڭ ءتىزىمىن قالىپتاستىرۋ كەرەك. قاراشا جانە جەلتوقسان ايلارىندا حالىقتىڭ قونىس اۋدارۋعا دايىن بولۋى ءۇشىن سول وڭىرلەرگە بارىپ، بوس جۇمىس ورىندارى جارمەڭكەسىن ۇيىمداستىرۋ تۋرالى ۇسىنىس بار».
سپيكەردىڭ ايتۋىنشا، بيىل جىل باسىنان بەرى ورالمانداردى قابىلداۋ وڭىرلىك كۆوتاسىنا 26 وتباسى نەمەسە 86 ەتنيكالىق قازاق ەنگىزىلگەن. بۇگىنگى تاڭدا كوميسسيانىڭ ءبولۋى ءۇشىن ون بەس وتباسىنىڭ قۇجاتتارى دايىندالعان جانە قوسىمشا توعىز وتباسىن قوسۋ جوسپارلانىپ وتىر. «جىل باسىندا 100 وتباسى نەمەسە 500 ادام بولعان. ءبىز مينيسترلىككە ورالماندارعا بەرىلەتىن كۆوتا سانىن ەلۋگە دەيىن قىسقارتۋ تۋرالى وتىنىشپەن جۇگىندىك. دەگەنمەن شەشىم قاراشا ايىندا بەلگىلى بولادى. سوندىقتان وبلىس بويىنشا ورالماندار كۆوتاسى ەلۋگە دەيىن قىسقارتىلادى. تىم بولماعاندا وسى كورسەتكىشتى ورىنداۋ ءۇشىن تاعى توعىز وتباسىنا قۇجاتتار دايىنداۋ كەرەك. وڭىرلىك قونىس اۋدارۋشىلار كۆوتاسىنا 50 وتباسى نەمەسە 231 ىشكى ميگرانت ەنگىزىلىپ، بۇل باعىتتا جۇمىس تولىعىمەن ورىندالعان. جالپى، 50 وتباسىن نەمەسە 250 ادامدى كوشىرۋ جوسپارلانعان بولاتىن. ناتيجەسىندە مينيسترلىككە ۇنەمدەلىپ قالعان قاراجاتقا كۆوتا سانىن 60-قا دەيىن ارتتىرۋ تۋرالى بيۋدجەتتىك ءوتىنىش جىبەردىك. قازىرگى كۇنى قالالار مەن اۋدانداردا جەتى ادامعا قۇجاتتار دايىن»، - دەيدى حەلۋا قاشكەنوۆا.
