راقىمشىلىققا ىلىنگەن 461 ازامات جۇمىسقا ورنالاستى - التاي كولگىنوۆ
بۇل تۋرالى ءماجىلىستىڭ جالپى وتىرىسىندا ق ر پرەمەر-ءمينيسترىنىڭ ورىنباسارى التاي كولگىنوۆ ايتتى، دەپ حابارلايدى قازاقپارات ءتىلشىسى.
«قازاقستان رەسپۋبليكاسى بويىنشا راقىمشىلىق جاريالانعان ادامداردىڭ سانى - 1095. بۇگىنگى تاڭدا 461 ءى جۇمىسقا ورنالاستى. قالعان ازاماتتار بويىنشا جۇمىس جالعاسىپ جاتىر»، - دەدى ۆيتسە-پرەمەر ءماجىلىس دەپۋتاتتارىنىڭ ساۋالىنا وراي.
سونىمەن قاتار ول جاستارعا قاتىستى مەملەكەت تاراپىنان كەشەندى ءىس-شارالار قابىلدانىپ جاتقانىن اتاپ ءوتتى.
ماسەلەن، 2022-جىلى «مەملەكەتتىك جاستار ساياساتى تۋرالى» زاڭ قابىلداندى.
اتالعان زاڭ اياسىندا جاستار جاسى 29 دان 35 كە دەيىن ۇلعايتىلدى. ناتيجەسىندە بۇرىن جاستار ساناتىنا 3 ميلليون 700 مىڭ ادام كىرسە، قازىر ولاردىڭ سانى 5 ميلليون 700 ادامدى قۇرادى.
NEET ساناتىنداعى جاستاردىڭ مەملەكەتتىك قولداۋ الۋىنا مۇمكىندىك جاسالدى. جاستار تاجىريبەسى 1 جىلعا ۇزارتىلىپ، جالاقى 100 مىڭ تەڭگە بولىپ بەلگىلەندى.
«قاڭتار وقيعاسى كەزىندە الماتى قالاسى قاتتى زارداپ شەكتى. قالا اكىمدىگىمەن ارنايى جاستار ءۇشىن كەشەندى جوسپار قابىلداندى. جوسپاردى جاستاردى وقىتۋ، جۇمىسسىز جاستاردى جۇمىسقا ورنالاسترۋ، بىلىكتىلىگىن ارتتىرۋ جانە باسپانامەن قامتۋ كوزدەلگەن. وسىنداي جوسپار بارلىق وڭىردە قابىلداندى. جاستارعا قاتىستى جىل سايىن جۇيەلى جۇمىس اتقارىلادى. ول ۇكىمەتتىڭ باقىلاۋىندا»، - دەدى التاي كولگىنوۆ.
