قازاقستاننىڭ تاۋار ەكسپورتى 46,6 پايىزعا ارتتى

نۇر-سۇلتان. قازاقپارات - قازاقستاننىڭ تاۋار ەكسپورتى 46,6 پايىزعا ارتتى. بۇل تۋرالى ۇكىمەت وتىرىسىندا ق ر ۇلتتىق ەكونوميكا ءمينيسترى الىبەك قۋانتىروۆ ايتتى، دەپ حابارلايدى قازاقپارات ءتىلشىسى.

«وسى جىلدىڭ قاڭتار- اقپانىندا سىرتقى ساۋدا تاۋار اينالىمى 52,5 پايىزعا ءوسىپ، 18,2 ميلليارد ا ق ش دوللارىن قۇرادى. ونىڭ ىشىندە ەكسپورت بويىنشا كورسەتكىش 71,4 پايىزعا ارتىپ، 12,1 ميلليارد ا ق ش دوللارىنا دەيىن جەتتى. بۇل رەتتە، وڭدەلگەن تاۋارلار ەكسپورتى 46,6 پايىزعا ۇلعايىپ، 3,5 ميلليارد ا ق ش دوللارىنا دەيىن جەتىپ وتىر. تاۋارلار يمپورتى 6,1 ميلليارد دوللاردى قۇرادى. جالپى، وڭ ساۋدا بالانسى 6 ميلليارد ا ق ش دوللارىن قۇرادى»، - دەدى الىبەك قۋانتىروۆ.

اۆتور: مارلان جيەمباي