ەلوردادا سوڭعى التى جىلدا ۇلەسكەرلەردى الداعان 45 ادام سوتتالعان
ناتيجەسىندە 15 قىلمىستىق ءىس قوزعالىپ، 45 ادام سوتتالدى، 147 ادام اكىمشىلىك جاۋاپقا تارتىلدى، دەپ حابارلايدى قازاقپارات.
جىل باسىنان بەرى جالپى سوماسى 1,4 ميلليارد تەڭگەدەن اساتىن 119 ۇلەسكەردىڭ مۇددەسى ءۇشىن بەس نىسان بويىنشا 5 تالاپ بەرىلدى.
«پروكۋراتۋرا ازاماتتارعا زاڭدى اينالىپ ءوتۋ ءۇشىن الدىن الا شارت، نيەت شارتى، ينۆەستيتسيا، برونداۋ جانە وسى سياقتى جاسىرىن شارتتار جاساساتىن جوسىقسىز قۇرىلىس كومپانيالارىنان اباي بولۋ كەرەكتىگىن ەسكەرتەدى. ەلدىڭ قاراجاتىن تارتۋ ءۇشىن قۇرىلىس سالۋشىلار تۇرعىن ءۇي قۇرىلىسىنا ۇلەستىك قاتىسۋ جونىندە شارت جاساسۋعا مىندەتتى»، - دەيدى قالالىق پروكۋراتۋرا.
تەك ەكى جاعدايدا عانا قۇرىلىس سالۋشى ۇلەسكەرلەردىڭ اقشاسىن ۇلەستىك قاتىسۋ تۋرالى شارتسىز تارتا الادى:
- قازاقستاندىق تۇرعىن ءۇي كومپانياسىمەن شارت بولسا
- قۇرىلىس سالۋشىدا اكىمدىكتىڭ رۇقساتى بولعان جاعدايدا.
«بارلىق ازاماتتاردى مۇقيات بولۋعا جانە ءوز اقشالارىمەن تاۋەكەل ەتپەۋگە شاقىرامىز»، - دەدى پروكۋراتۋرا.
