الماتىلىق تاكسيست يتاليا ازاماتىن قوناقۇيگە 45 مىڭ تەڭگەگە جەتكىزگەن
كولىكتەگى پوليتسيا دەپارتامەنتىنىڭ مالىمەتىنشە، يتاليادان كەلگەن ازاماتشا الماتى اۋەجايىنان قوناقۇيگە جەتكىزگەنى ءۇشىن تاكسيسكە 45 مىڭ تەڭگە تولەگەن.
دەپارتامەنت باستىعىنىڭ ءبىرىنشى ورىنباسارى ماديار ايتۋعانوۆتىڭ ايتۋىنا قاراعاندا، قالا تۇرعىنىنان شەتەل ازاماتىن اسا قىمبات باعامەن جەتكىزىپ تاستاعان جۇرگىزۋشىگە شارا قولدانۋ كەرەكتىگى تۋرالى ءوتىنىش تۇسكەن.
كوپ وتپەي جەدەل ىزدەستىرۋ شارالارى ناتيجە بەرىپ، جەكە تاكسي قىزمەتىن كورسەتىپ جۇرگەن ادامنىڭ كىم ەكەنى انىقتالعان.
«بۇل الماتى وبلىسىنىڭ 48 جاستاعى تۇرعىنى بولىپ شىقتى. ەر ادام اۋەجايدان بوگەنباي باتىر كوشەسىندەگى قوناقۇيگە دەيىن تىم جوعارى باعا ايتىپ، شەتەلدىك ازاماتشانى جاڭىلىستىرعان. قۇقىق بۇزۋشىعا اكىمشىلىك قۇقىق بۇزۋ تۋرالى كودەكستىڭ 449-بابى 1-بولىگى بويىنشا شارا قولدانىلدى»، - دەيدى ماديار ايتۋعانوۆ.
ال قاراعاندى قالاسىندا 53 جاستاعى ەر ادامنىڭ تەمىرجول بيلەتىن ساتىپ، بيلەتى جوقتاردى پويىزعا مىنگىزىپ، دەلدالدىق جاساعانى انىقتالدى.
«ول بۇعان دەيىن دە وسىنداي قىلمىسى ءۇشىن جاۋاپقا تارتىلعان بولىپ شىقتى. اكىمشىلىك قۇقىق بۇزۋ تۋرالى كودەكستىڭ 449-بابى 2-بولىگى بويىنشا 10 ايلىق ەسەپتىك كورسەتكىش (31800 تەڭگە - رەد.) كولەمىندە ايىپپۇل سالىندى. جىل باسىنان بەرى كولىكتەگى پوليتسيا دەپارتامەنتىنىڭ ماماندارى ءتۇرلى دەڭگەيدە زاڭ بۇزعان 25746 ازاماتتى جاۋاپقا تارتتى»، - دەپ جازىلعان دەپارتامەنتتىڭ دەرەگىندە.
ەسكە سالساق، مامىر ايىندا قىز زورلاعان ورالدىق تاكسيست 8 جىلعا سوتتالعان ەدى.
