10:26, 10 - ماۋسىم 2022 | GMT +5
شىمكەنتتە بالاباقشا مەڭگەرۋشىلەرى 45 ميلليون تەڭگە بيۋدجەت قارجىسىن جىمقىرعان
نۇر- سۇلتان. قازاقپارات - شىمكەنتتە بيۋدجەت قاراجاتىن جىمقىردى دەگەن كۇدىكپەن بالاباقشا مەڭگەرۋشىلەرىنە قاتىستى سوتقا دەيىنگى تەرگەۋ امالدارى باستالدى، دەپ حابارلايدى قارجى مونيتورينگى اگەنتتىگىنىڭ باسپا ءسوز قىزمەتى.
«بالا- باقشا باسشىلارى 2019-2021 -جىلدار ارالىعىندا بالالاردىڭ قاتىسۋ ەسەبىنە جالعان مالىمەتتەر ەنگىزىپ، مەكتەپكە دەيىنگى ءبىلىم بەرۋدى جان باسىنا شاققانداعى قارجىلاندىرۋدىڭ «بالاپان» باعدارلاماسى بويىنشا قاراستىرىلعان جالپى سوماسى 45,7 ميلليون تەڭگە بيۋدجەت قاراجاتىن زاڭسىز جىمقىرعان دەگەن كۇدىككە ءىلىندى» دەلىنگەن حابارلامادا. ءقازىر بۇل ءىس بويىنشا تەرگەۋ ءجۇرىپ جاتىر. ق ر قىلمىستىق- پروتسەسستىك كودەكسىنىڭ 201-بابىنا سايكەس وزگە مالىمەتتەر جاريا ەتىلمەيدى.
