ديەتولوگ دارىگەر 45 جاستان اسقاندارعا قاۋىپتى تاعام تۇرلەرىن اتادى

نۇر-سۇلتان. قازاقپارات - ديەتولوگ دارىگەر اننا پەتروۆا 45 جاستان اسقاندارعا قاۋىپتى تاعام تۇرلەرىن اتادى، - دەپ حابارلايدى Lenta.ru.

دارىگەردىڭ سوزىنشە، ەڭ الدىمەن بۇل جاستان اسقاندار تاماقتانۋ راتسيونىنان قاراپايىم كومىرسۋلاردى الىپ تاستاۋى كەرەك، ول اتەروسكلەروزدىڭ، قانت ديابەتىنىڭ، ينسۋلتتىڭ، جۇرەكتىڭ يشەميالىق اۋرۋىنىڭ نەمەسە التسگەيمەر اۋرۋىنىڭ دامۋىنا اسەر ەتۋى مۇمكىن. وعان كوبىنە شوكولاد، كامپيت جانە باسقا دا كونديتەرلىك ونىمدەر جاتادى.

ديەتولوگ، ەگەر تاتتىگە تابەتىڭىز اشىلىپ تۇرعان جاعدايدا قۇرما، قارا ورىك، بانان، الما نەمەسە قارا شوكولاد جەۋگە بولاتىنىن ايتتى.

«ءتاتتىنى تىم كوپ جەيتىندەردە جوعارىدا اتالعان اۋرۋدان بولەك، «قانت بەت» پايدا بولۋى مۇمكىن. ونىڭ نەگىزگى بەلگىلەرى: بەتتىڭ كۇڭگىرتتەۋى، پيگمەنتتەنۋ، قىزىل داقتار مەن بەتتىڭ ءىسىنۋى»، - دەدى دارىگەر.