ەلىمىزدە بيۋدجەت شىعىنىنىڭ 45 پايىزى الەۋمەتتىك سالاعا باعىتتالعان
ق ر ەسەپ كوميتەتىنىڭ ءتوراعاسى ناتاليا گودۋنوۆا وسىلاي ءمالىم ەتتى، دەپ حابارلايدى قازاقپارات ءتىلشىسى.
«كونستيتۋتسياعا سايكەس قازاقستان الەۋمەتتىك مەملەكەت. ەلىمىزدە جىل سايىن شىعىننىڭ شامامەن % 45- ى ازاماتتاردىڭ قۇقىعى مەن مۇددەسىن قورعاۋ ماقساتىنا ياعني الەۋمەتتىك دامۋعا باعىتتالادى. ونىڭ قاتارىندا ءبىلىم بەرۋ، دەنساۋلىق ساقتاۋ، الەۋمەتتىك قورعاۋ جانە مادەنيەت بار. اتاپ ايتساق، ءبىزدىڭ ەلىمىزدە ورتا جانە كاسىپتىك- تەحنيكالىق ءبىلىم تەگىن بەرىلەدى، بارلىق ازامات كەپىلدەندىرىلگەن تەگىن مەديتسينالىق كومەك كولەمىمەن قامتاماسىز ەتىلگەن. سول سياقتى الەۋمەتتىك قورعالماعان ازاماتتار اتاۋلى الەۋمەتتىك كومەك الادى، الەۋمەتتىك جانە مەديتسينالىق ساقتاندىرۋ جۇيەلەرىندە مەملەكەت ەرەكشە قاجەتتىلىكتەرى بار ادامدار مەن زەينەتكەرلەردىڭ شىعىستارىن دا كوتەرىپ وتىر»، - دەدى ن. گودۋنوۆا حالىقارالىق كونسەرەنتسيادا جاساعان بايانداماسىندا.
سونداي- اق، كوميتەت باسشىسى اتالعان الەمەتتىك شىعىننىڭ قانداي سالالارعا باعىتتالعانىن ايتىپ بەردى. «بۇل نەگىزىنەن «ەڭبەك» جۇمىسپەن قامتۋ باعدارلاماسى، «بيزنەستىڭ جول كارتاسى»، «نۇرلى جەر» تۇرعىن ءۇي باعدارلاماسى، اوك- ءتى (اگروونەركاسىپتىك كەشەن) دامىتۋ، «اۋىل - ەل بەسىگى» جوبالارى ەكونوميكانى تۇراقتاندىرۋعا باعىتتالدى.
ودان بولەك، COVID-19 ىندەتىن تاراتپاۋعا ارنالعان شارالارعا جۇمسالعان شىعىن بار. وسىلايشا ەسەپ كوميتەتىنىڭ ۇكىمەتكە ايتقان ۇسىنىمدارىنان كەيىن ارتىلعان قاراجاتتىڭ كەمىندە % 20- ىن نەعۇرلىم شۇعىل شەشىمدى تالاپ ەتەتىن ماسەلەلەرگە قايتا بولۋگە مۇمكىندىك بەرىپ وتىر»، - دەيدى ول.
ايتا كەتسەك، بۇگىن ەلوردادا ونلاين- فورماتتا ەسەپ كوميتەتىنىڭ 25 جىلدىعىنا ارنالعان «جاڭا تاريحي شىندىق جاعدايىنداعى مەملەكەتتىك اۋديت جۇيەسى» اتتى حالىقارالىق عىلىمي- پراكتيكالىق كونفەرەنسيا ءوتىپ جاتىر. اتالعان شاراعا پرەزيدەنت اكىمشىلىگى، ق ر ۇكىمەتى مەن قاتار 27 ەلدىڭ جوعارى اۋديت ورگاندارىنىڭ وكىلدەرى، سونىمەن قاتار 11 جوعارى وقۋ ورنى مەن 17 تەكسەرۋ كوميسسياسىنىڭ وكىلدەرى قاتىسىپ جاتىر.
اۆتور: ءالي يبرايەۆ