جاقىنىڭا جاناشىر بول: قاراعاندىدا ءبىر تاۋلىكتە 45 ادام كوروناۆيرۋس جۇقتىردى
بۇل تۋرالى قازاقپارات ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى كوميسسيانىڭ تەلەگرام كانالىنا سىلتەمە جاساپ حابارلايدى.
پ ت ر دياگنوستيكالىق زەرتتەۋ ناتيجەلەرى بويىنشا 50 ادامدا COVID-19 ۆيرۋسى انىقتالدى، تىركەلگەن جاعدايلار سكرينينگ بارىسىندا جانە جاقىن بايلانىستا بولعانداردى تەكسەرۋ ناتيجەسىندە انىقتالدى.
قاراعاندى قالاسىندا جۇقپانىڭ - 45 جاعدايى، بۇقار جىراۋ اۋدانىندا - 5 جاعداي انىقتالدى.
بارلىعى جۇقپالى اۋرۋلار ستاتسيونارىنا جاتقىزىلدى. قازىرگى ۋاقىتتا ناۋقاستاردىڭ جاعدايى قاناعاتتانارلىق، ەم الىپ جاتىر. وشاقتاردا دەزينفەكتسيالىق شارالار جۇرگىزىلدى.
2020-جىلدىڭ 15- ماۋسىمداعى احۋال بويىنشا وبلىستا 1572 جۇقتىرۋ جاعدايى انىقتالدى، ونىڭ ىشىندە 7 ءولىم جاعدايى جانە 665 پاتسيەنت جازىلىپ شىقتى.
ەسكە سالساق، قاراعاندىدا 13- ماۋسىمنان باستاپ كارانتيندىك شارالار كۇشەيتىلگەن بولاتىن.
