گونكونگتە 45 كۇننەن بەرى كوروناۆيرۋس جۇقتىرۋشى تىركەلگەن جوق
گونكونگ. قازاقپارات - گونكونگتىڭ دەنساۋلىق قورعاۋ ورتالىعى دۇيسەنبى كۇنى گونكونگتە 45 كۇننەن بەرى ءبىر دە ءبىر COVID-19 جۇقتىرۋ جاعدايى تىركەلمەگەنىن ءمالىم ەتتى.
گونكونگتىڭ دەنساۋلىق ساقتاۋ مينيسترلىگى دۇيسەنبى كۇنى COVID-19 بويىنشا كۇن سايىنعى باسپاءسوز بريفينگىسىن وتكىزبەۋ تۋرالى شەشىم قابىلداعانى حابارلاندى. سوعان قاراماستان دەنساۋلىق قورعاۋ ورتالىعى كوروناۆيرۋس جۇقتىرۋ قاۋپىن ازايتۋ ءۇشىن الەۋمەتتىك قاشىقتىق شارالار ساقتاۋعا شاقىرۋدا. گونكونگتە ەپيدەميالىق جاعداي بۇرىنعىشا تۇراقسىز جانە بولجاۋعا كەلمەيدى، سوندىقتان قوعام اباي بولۋى قاجەت ەكەنى اتالىپ وتىلگەن. گونكونگ اۋرۋحانا باسقارماسىنىڭ مالىمەتىنشە، COVID-19 دياگنوزى قويىلعان ءتورت ناۋقاس قايتىس بولعان. اۋرۋ جۇقتىرعان جانە سونداي كۇدىك تۋدىرعان 630 ناۋقاس اۋرۋحانادان ەمدەلىپ شىققان.
