قاراعاندىدا 45 ساياجاي ءۇيى جانىپ كەتتى

قاراعاندى. قازاقپارات - قاراعاندى قالاسىنداعى ساياجاي القاپتارىنىڭ بىرىندە ءورت ءسوندىرۋ قىزمەتىنىڭ 50 گە جۋىق مامانى ءتىلسىز جاۋمەن ارپالىستى، دەپ حابارلايدى قازاقپارات ءتىلشىسى.

7 -قازاندا ساعات 12: 18-دە قاراعاندى قالاسىنىڭ «مير» جانە «لۋچ» ساياجاي قوعامدارىنىڭ اۋماعىندا شارۋاشىلىق قوقىستار، اعاش دۋالدار، قۇرعاق ءشوپ جانە 45 ساياجاي ۋچاسكەسى ورتەندى. جالىن ءتىلى جالپى 20 گەكتار اۋماقتى شارپىدى.

ءورت ساعات 16: 29-دا اۋىزدىقتالىپ، ساعات 17: 36-دا ت ج د قىزمەتكەرلەرى ونى تولىعىمەن جويدى. زارداپ شەككەندەر مەن قۇربان بولعاندار جوق.

قاراعاندى وبلىستىق ت ج د باسپا ءسوز قىزمەتىنىڭ الدىن الا مالىمدەۋىنشە، ءورتتىڭ پايدا بولۋىنا اشىق وت سەبەپ بولۋى مۇمكىن.

ءورتتى سوندىرۋگە ت ج د 48 قىزمەتكەرى مەن 9 تەحنيكا جۇمىلدىرىلدى.