تايلاندتاعى كەمە اپاتىنان 45 ادام كوز جۇمدى

استانا. قازاقپارات - تايلاندتىڭ پحۋكەت ارالىندا بولعان كەمە اپاتىنان 45 ادام كوز جۇمدى، دەپ حابارلايدى شينحۋا.

پحۋكەت پروۆينتسياسىنىڭ گۋبەرناتورى نوراپحات پلوتتحونگ بالىقشىلاردىڭ كومەگىنىڭ ارقاسىندا پحۋكەت ارالىنىڭ جاعاسىندا تۋريستىك كەمەنىڭ اپاتقا ۇشىراۋى كەزىندە قازا تاپقان ءۇش ادامنىڭ ءمايىتى تابىلعانىن جەتكىزدى. قازىرگى ۋاقىتقا 45 ادامنىڭ ءولىمى راستالدى، ءىز-ءتۇسسىز جوعالىپ كەتكەن ەكى ادامنىڭ قايدا ەكەنى بەلگىسىز.

گۋبەرناتوردىڭ ايتۋىنشا، ادام مايىتتەرىنىڭ تابىلعان جەرى مەن بەلگىلەرى بويىنشا ولاردىڭ باتىپ كەتكەن «فەنيكس» كەمەسىنىڭ جولاۋشىلارى ەكەنى راستالدى.

ەسكە سالايىق، 5- شىلدە كۇنى پحۋكەت ارالىندا «فەنيكس» جانە «سەرەناتا» كەمەلەرى داۋىلعا كەز بولعان. سالدارىنان قيسايىپ كەتىپ، سۋعا باتىپ كەتكەن. «فەنيكستە» بارلىعى 101 ادام بولعان.