الماتى وبلىسىندا گازداندىرۋ دەڭگەيى 45 پايىزعا جەتەدى
- دەپ حابارلايدى قازاقپارات ءتىلشىسى.
تابيعي گازدى اسىعا كۇتكەن وبلىس تۇرعىندارىنىڭ كوپشىلىگى بيىلعى جىلى كوگىلدىر وتىنعا قول جەتكىزدى. ءسويتىپ ءوڭىردى گازداندىرۋ 23 پايىزدى قۇراپ وتىر.
«تابيعي گازعا ءوتۋدىڭ ارتىقشىلىعى وتە كوپ: بىرىنشىدەن، ءوڭىر تۇرعىندارىنىڭ جىلۋعا كەتەتىن شىعىنى ازايادى، ەكىنشىدەن، تۇرعىنداردىڭ ءومىر ءسۇرۋ قولايلىلىعى ارتادى، ەڭ باستىسى باسقا وتىن تۇرلەرىنە قاراعاندا ەكولوگيالىق جاعىنان تازا»، - دەدى اماندىق باتالوۆ.
ەسكە سالساق، 2020 - جىلعا قاراي الماتى وبلىسىنىڭ بەس اۋدانى مەن قاپشاعاي قالاسى تولىعىمەن 100 پايىز گازداندىرىلادى، ال جالپى وبلىستا گازبەن قامتۋ دەڭگەيى 45 پايىزعا جەتەدى.
سونداي اق، ءوڭىر باسشىسى الماتى وبلىسىندا ورتالىقتاندىرىلعان اۋىز سۋمەن قامتۋ 86 پايىزعا جەتكەنىن ءمالىم ەتتى. بۇل رەسپۋبليكاداعى ەڭ جوعارعى كورسەتكىش (ق ر بويىنشا - 55 پايىز). بريفينگە بەلگىلى بولعانىنداي، بيىلعى جىلى الماتى وبلىسىندا جالپى قۇنى 9,9 ميلليارد تەڭگە بولاتىن 107 جوبا جۇزەگە اسىرىلۋدا. سونىڭ ناتيجەسىندە 18 ەلدى مەكەنگە سۋ قۇبىرى جۇرگىزىلىپ، 80-ىندە سۋ ساپاسى جاقسارادى.
اۆتور: سامال قابىشيەۆا
