قازاقستاننىڭ وڭتۇستىگىندە 45 گرادۋسقا دەيىن اپتاپ ىستىق بولۋى ىقتيمال
«قازگيدرومەت» ر م ك حابارلاعانداي، اتموسفەرالىق قىسىمنىڭ جوعارىلاۋى اسەرىنەن الداعى ءۇش تاۋلىكتە قازاقستاننىڭ كوپتەگەن وبلىستارىن جاۋىن-شاشىنسىز اۋا رايى كۇتىپ تۇر، سونداي-اق اۋا تەمپەراتۋراسى جوعارىلاي بەرمەك.
رەسپۋبليكانىڭ وڭتۇستىك بولىگىندە قاتتى ىستىق بولادى، تەرمومەتر باعاندارى كۇندىز پليۋس 40...45؛ س - قا دەيىن جوعارىلايدى. قازاقستاننىڭ سولتۇستىك بولىگىندە كۇندىز اۋا تەمپەراتۋراسى 27-33، كەي جەرلەردە 35...38؛ س- قا دەيىن كوتەرىلەدى. ءبىرقاتار وبلىستاردا اپتاپ ىستىقتىڭ سالدارىنان ەسكەرتۋ جاريالاندى. 25-29 -شىلدە ارالىعىندا كۇندىز قاراعاندى وبلىسىنىڭ كەي جەرلەرىندە 40-42 گرادۋسقا دەيىنگى اپتاپ ىستىق بولۋى مۇمكىن. 25-29 -شىلدە كۇندەرى كۇندىز قىزىلوردا، وڭتۇستىك قازاقستان وبلىستارىنىڭ كەي جەرلەرىندە 45 گرادۋسقا دەيىنگى قاتتى ىستىق كۇتىلۋدە. 26-30 -شىلدە كۇندەرى كۇندىز جامبىل، الماتى وبلىستارىنىڭ كەي جەرلەرىندە 40-43 گرادۋستىق اپتاپ ىستىق بولادى دەگەن بولجام بار.
