رەكورد جاساماق بولعان ساكسافونشى ءبىر نوتانى 45 مينۋتقا سوزدى - كەسكىن

استانا. قازاقپارات - نيگەريادان شىققان مۋزىكانت فەمي كۋتي ءبىر نوتانى ساكسوفوندا 46 مينۋت، 38 سەكۋندقا سوزا ورىندادى.

ول الەمدىك رەكورد جاساۋعا ۇمتىلعانىمەن نوتانى وزىنەن ارتىق - 47 مينۋت جانە 5,5 سەكۋندتقا ورىنداعان دجازشى ۆەنن بەرچفيلدكە نەبارى 28 سەكۋند جەتكىزە المادى.

كۋتيدىڭ ايتۋىنشا، ول 1997-جىلى امەريكالىق كەنني دجي جاساعان 45 مينۋت جانە 37 سەكۋندتىق رەكوردتى عانا ەستىگەن ەكەن، ال ودان باسقا رەكوردتىڭ بار ەكەندىگىن نوتانى ورىنداپ بولعان سوڭ ءبىر-اق بىلگەن.

نوتانى ۇزاق ۋاقىتقا سوزۋ ءۇشىن مۋزىكانتتار ورىنداۋ كەزىندە جۇتىپ العان اۋانى مۋزىكالىق اسپاپقا ۇرلەي وتىرىپ، مۇرنىمەن كەلەسى اۋانى جيناۋ ارقىلى «ۇزدىكسىز» نەمەسە «قايتالاناتىن» تىنىس الۋ ادىستەرىن پايدالانادى.