تاريحتاعى 45 مينۋتقا سوزىلعان ەڭ قىسقا سوعىس
ولاي بولۋى دا زاڭدىلىق. ويتكەنى سوعىس ارقىلى ادامدار جەرلەردى جاۋلاپ وزدەرىنە مەملەكەت قالىپتاستىرىپ وتىرعان.
سوعىستىڭ ءوزى ءتۇرلى جاعدايدا ورىن الادى. عاسىرلار توعىسىندا قىلىش پەن نايزانىڭ ۇشىمەن باستالعان سوعىس مىلتىقتىڭ وعىمەن جالعاسىن تاۋىپ، بۇگىن الىستان باسقارىلاتىن قۇرىلعىلارمەن تولىسىپ وتىر.
ال ءسىز الەمدەگى ەڭ قىسقا ۋاقىتتا بولعان سوعىس جايلى نە بىلەسىز؟ بۇل - 45 مينۋتقا سوزىلعان الەمدەگى ەڭ قىسقا سوعىس.
اتالعان سوعىس ءتىپتى گيننەس رەكوردتار كىتابىنا ەنگەن. ⅩⅨ عاسىردىڭ سوڭىندا زانزيبار ەلى ۇلى بريتانيانىڭ دەرجاۆاسىندا بولادى. 1896-جىلى زانزيباردىڭ جاڭا سۇلتانى حاليد يبن بارگاش وسى قۇلدىق قۇرساۋىنان قۇتىلۋ ءۇشىن ارەكەت جاسايدى.
ول ءۇشىن ول وزىنە سەرىك ىزدەپ، گەرمانيادان كومەك سۇرايدى. باس قولباسشى وزىمەن بىرگە ازعانتاي عانا سارباز جيناپ، اسكەردى XVI عاسىردان قالعان قارۋ-جاراقپەن جابدىقتايدى.
ۇلى بريتانيالىقتار بۇل ارەكەتتى اشىق سوعىس دەپ قابىلداپ، 27- تامىز كۇنى، تاڭعى ساعات 9:00 كەزىندە سوعىس بولاتىنىن ەسكەرتەدى.
ەكى جاق الدىمەن تەڭىز بەتىندە شايقاسۋعا كەلىسەدى. ياعني الىستان بومبىلاۋ ارقىلى ەكى جاق كەمەلەرىنىڭ كۇشىن سىناي باستايدى. اقىرى ەكى جاقتىڭ سوعىس ناتيجەسىندە سوعىس ۇزاقتىعى 45 مينۋتقا سوزىلىپ، جاڭا سۇلتان تاعىنا كەلگەن حاليد يبن بارگاش اسكەرىنە شەگىنۋ تۋرالى بۇيرىق بەرىپ، ءوزى نەمىس جەرىنە باس ساۋعالاپ كەتە بارادى.
قىرىق بەس مينۋت ىشىندە زانزيبار جاقتان 560 ادام وققا ۇشىپ، كوز جۇمادى. ال ۇلى دەرجاۆاعا قارسى سوعىس اشقان سۇلتان 1916-جىلى اعىلشىنداردىڭ قولىنا ءتۇسىپ، 1927-جىلى مومباس دالاسىندا قازا تابادى.
Massaget.kz
