14:31, 08 - اقپان 2017 | GMT +5
ترامپ پەن ەردوعان 45 مينۋت بويى تەلەفوننان نە ايتتى؟
استانا. قازاقپارات - امەريكا پرەزيدەنتى دونالد ترامپ سەيسەنبى كۇنى تۇركيا باسشىسى رەجەپ تايىپ ەردوعانمەن تەلەفون ارقىلى سويلەستى. قوس ەل باسشىلارى تەرروريزمگە قارسى كۇرەس جانە ەكىجاقتى قارىم-قاتىناس جايىن تالقىلاعان دەپ حابارلايدى Baq.kz.
ەكى ەل كوشباسشىلارىنىڭ تەلەفون ارقىلى اڭگىمەسى شامامەن 45 مينۋتقا سوزىلعان دەپ جازادى شەتەلدىك ب ا ق.
«پرەزيدەنت دونالد ترامپ تۇركيا باسشىسى رەجەپ تايىپ ەردوعانمەن تەلەفون ارقىلى سويلەستى. اڭگىمە بارىسىندا ەكى ەل پرەزيدەنتتەرى ا ق ش پەن تۇركيانىڭ بۇرىننان كەلە جاتقان ەتەنە قارىم-قاتىناسى مەن لاڭكەستىكپەن كۇرەس ماسەلەلەرىن تالقىلادى»، - دەلىنگەن حابارلامادا.
سونىمەن قاتار، «ترامپ ا ق ش ستراتەگيالىق سەرىكتەس ءارى ناتو بويىنشا وداقتاس رەتىندە تۇركياعا ءاردايىم قولداۋ كورسەتىنىن تاعى ءبىر مارتە مالىمدەدى. جانە دە تۇركيانىڭ ي م لاڭكەستەرىمەن كۇرەس ناۋقانىنا قوسىپ جاتقان ولشەۋسىز ۇلەسىن جوعارى باعالادى»، - دەپ اتاپ ءوتتى اق ۇيدەن.
