21:05, 26 - قاڭتار 2017 | GMT +6
امەريكالىق شاڭعىشى 45 مەترلىك بيىكتىكتەن قۇلاپ، ءتىرى قالدى
استانا. قازاقپارات - وقيعا ا ق ش- تىڭ يۋتا شتاتىنىڭ تاۋلى ايماعىندا بولعان. جاس جىگىت شاڭعىمەن تاۋ بوكتەرىنەن ءتۇسىپ كەلە جاتىپ، باعىتىنان اۋىتقىپ، شىڭىراۋعا قۇلاعان.
ابىروي بولعاندا، 45 مەتردەي بيىكتەن ۇشقان اۋەسقوي- شاڭعىشى جەرگە امان- ەسەن تۇسكەن، دەپ حابارلايدى «دني. رۋ». جاس جىگىتتىڭ ەش جەرى جاراقاتتانباعان.
- مەن مۇلدەم جاراقات الماستان، ءتىرى قالدىم، جولىم بولدى، - دەپ مويىندادى ول.
ستراتتون بيىك بوكتەردەگى قاردىڭ جۇمساقتىعى مەن ارتىنا ءىلىپ العان جول دورباسىنىڭ كومەگىمەن ءتىرى قالدىم دەپ ەسەپتەيدى.
تومەن ءتۇسىپ بارا جاتقان ءساتتى ونىڭ شلەمىندەگى ەكشەن- كامەرا ۆيدەوعا تۇسىرگەن.
