كەلەسى جىلدان باستاپ 45 ەلدىڭ ازاماتتارى قازاقستانعا ۆيزاسىز كەلە الادى
ونىڭ ايتۋىنشا، بۇدان بولەك تاعى ءبىر ءتىزىم بار. وندا دا ۆيزالىق جەڭىلدىكتەر قاراستىرىلعان، دەپ حابارلايدى قازاقپارات ءتىلشىسى. «2017 -جىلى قاڭتاردىڭ 1 نەن باستاپ ينۆەستيتسيالىق الەۋەتى جوعارى ءارى ەكونوميكالىق جاعىنان دامىعان 45 مەملەكەت ءۇشىن ۆيزاسىز رەجيم اشىلادى. وسى ەلدەردىڭ ازاماتتارى 30 كۇنى بويى قازاقستاندا ەمىن- ەركىن جۇرە الادى»، - دەدى ە. ىدىرىسوۆ بۇگىن استانادا وتكەن باسپا ءسوز ءماسليحاتىندا.
ونىڭ ايتۋىنشا، ۆيزاسىز رەجيمگە ىلىككەن مەملەكەتتەردىڭ ىشىندە اۆستريا، ا ق ش، گرەكيا، يسپانيا، شۆەتسيا، كانادا، فينليانديا، فرانسيا، وڭتۇستىك كورەيا، جاپونيا، پورتۋگاليا، ۆەنگريا، كيپر، بەلگيا، سينگاپۋر، موناكو، يوردانيا، مالايزيا، سونداي- اق ە ق ى ۇ، ەۋروپالىق وداق پەن ورتالىق ازيا ەلدەرى بار.
«بۇدان بولەك، 48 مەملەكەتتەن تۇراتىن تاعى ءبىر ءتىزىم بار. ول بولەك. 45 ەلدىڭ ازاماتتارى قازاقستانعا ۆيزاسىز كىرە الادى. دەگەنمەن، ءبارى دە تىركەۋدەن وتەدى. ال 48 مەملەكەتتەن تۇراتىندار ءۇشىن ۆيزا الۋدىڭ جەڭىلدەتىلگەن شارتتارى قاراستىرىلعان. ولار ۆيزانى شاقىرتۋسىز الا الادى»، - دەپ اتاپ كورسەتتى مينيستر.
ايتا كەتەيىك، بۇعان دەيىن ق ر ينۆەستيتسيالار جانە دامۋ ءمينيسترى جەڭىس قاسىمبەك تە كەلەسى جىلدان باستاپ قازاقستانعا 55 ەلدىڭ ازاماتتارى ۆيزاسىز كەلىپ-كەتە الادى دەپ مالىمدەگەن. ءمينيستردىڭ سوزىنە قاراعاندا، وسى جانە باسقا دا شارالاردىڭ ارقاسىندا قازاقستان ەكونوميكاسىنا 230 ميلليارد دوللار كولەمىندە شەتەلدىك ينۆەستيتسيا تارتىلدى.
