بىرىككەن اراب امىرلىكتەرى ەل تاۋەلسىزدىگىنىڭ 45 جىلدىعىن اتاپ وتۋدە
ءابۋ- دابي. قازاقپارات - 2 - جەلتوقسان كۇنى بىرىككەن اراب امىرلىكتەرى مەملەكەت بولىپ قالىپتاسۋىنا 45 جىل تولعان مەرەيتويىن اتاپ وتۋدە.
وسىعان وراي، ەلدە رەسمي دەمالىس جاريالاندى، دەپ حابارلايدى قازاقپارات ءتىلشىسى.
1971 -جىلى 1 - جەلتوقساندا «كەلىسىمشارتتى وماننىڭ» جەتى امىرلىگىنىڭ التاۋى بىرىككەن اراب امىرلىكتەرى اتاۋىمەن فەدەراتسيانىڭ قۇرىلعاندىعى تۋرالى جاريا ەتتى. جەتىنشى امىرلىك - راس- ەل- حايما 1972 -جىلى قوسىلدى.
امىرلىكتەرگە تاۋەلسىزدىكتىڭ بەرىلۋى مۇناي مەن مۇناي ونىمدەرى باعاسىنىڭ كۇرت وسۋىمەن تۇسپا- تۇس كەلدى جانە وسىنىڭ ارقاسىندا جاڭا مەملەكەت ەكونوميكا مەن ىشكى ساياسات سالاسىنداعى قادامىن نىعايتتى. مۇنايدان تۇسكەن تابىستار مەن قاراجاتتى ونەركاسىپتىڭ، اۋىل شارۋاشىلىعىنىڭ، ءبىلىمنىڭ دامۋىنا اقىلمەن سالعان ب ا ءا از عانا ۋاقىتتا ەكونوميكالىق تابىستارعا قول جەتكىزدى. تۋريزم مەن قارجى سالاسى دا ايتارلىقتاي دامىدى.
ءوزىنىڭ حالىققا جولداۋىندا ب ا ءا پرەزيدەنتى شەيح زايەد ال ناحايان ەلدىڭ 2021 - جىلعا دەيىنگى دامۋ ستراتەگياسىن جۇزەگە اسىرۋدا «سەنىمدى قارىشتاۋ» بارىن اتاپ ءوتتى.
«ەلدەگى ادىلدىكتى، قاۋىپسىزدىكتى، ەكونوميكانى، قورشاعان ورتانى، ءومىر ءسۇرۋ ساپاسىن، تۇرعىن ءۇي مەن ءبىلىمدى، سونداي- اق دەنساۋلىق ساقتاۋ جانە ينفراقۇرىلىمدى جاقسارتۋ ءۇشىن ءتۇرلى سالالاردا وڭ وزگەرىستەرگە قول جەتكىزىلدى»، - دەدى شەيح حاليفا.
