باقىتبەك ەسەنتايەۆ باياننىڭ قانسىراپ جاتقانىن 45 مينۋت بويى باقىلاپ تۇرعان
ول جەدەل جاردەم دە شاقىرماعان. ال بايان ەسەنتايەۆا قانسىراعان كۇيى كۇيەۋىنەن ءوزىن ولتىرمەۋىن سۇراپ جالبارىنعان. وسىلايشا وقيعا ورنىنا ولاردىڭ قىزدارى كەلىپ جەدەل جاردەم شاقىرعانشا 45 مينۋت وتكەن. بۇل جايىندا «قازاقپارات» اقپارات اگەنتتىگىنىڭ الماتى وبلىسىنداعى مەنشىكتى تىلشىسىمەن سۇحباتتاسقان قورعاۋ ورگانىنداعى دەرەك بەرۋشى سوتقا دەيىنگى تەرگەۋ ماتەريالدارىنا سۇيەنە وتىرىپ حابارلادى.
«ايەلدەر ەر ادامدارعا قاراعاندا ءتوزىمدى كەلەدى. ماسەلەن، ايەلدەر 1,5 ليترعا دەيىن قان جوعالتىپ، كەيىن اسىقپاي قالپىنا كەلتىرە دە الادى. ال ەر ازاماتتار 0,5 ليتر قان جوعالتسا ەسەڭگىرەپ قالار ەدى» ، - دەيدى قازاقپارات اگەنتتىگىنىڭ تىلشىسىمەن اڭگىمەلەسكەن قۇقىق جۇيەسىندە ۇزاق جىلدار قىزمەت ەتكەن دەرەككوز.
ونىڭ ايتۋىنشا، بايان ەسەنتايەۆانى اۋداندىق اۋرۋحاناعا جەتكىزگەننەن سوڭ وعان 3 ساعاتقا جالعاسقان وتا جاسالعان. جاعدايى اۋىر دەپ باعالانىپ، اپپاراتتا باقىلاۋدا بولدى. ال ونىڭ كۇيەۋى باقىتبەك ەسەنتايەۆ تالعار اۋداندىق ءا ءى ءى ب جەتكىزىلگەن.
وسى وقيعا بويىنشا ق ر قىلمىستىق كودەكسىنىڭ 106 «ادام دەنساۋلىعىنا اۋىر جاراقات سالۋ» بابى بويىنشا قىلمىستىق ءىس قوزعالىپ، سوتقا دەيىنگى تەرگەۋدى تالعار ءى ءى ب تەرگەۋ ءبولىمىنىڭ قىزمەتكەرلەرى جۇرگىزدى. الايدا، كەيىننەن ءىس الماتى وبلىستىق ءى ءى د ارنايى تەرگەۋشىلەرىنە بەرىلگەن. سونىمەن قاتار، قىلمىستىق ءىس «كىسى ءولتىرۋ ءۇشىن قاستىندىق جاساۋ» بابىنا اۋىستىرىلعان.
«بارلىق تەرگەۋ جۇمىستارى جۇرگىزىلدى. باقىتبەك ەسەنتايەۆ جۇبايىمەن بىرنەشە رەت بەتپە- بەت كەزدەسكەندە ءتىپتى مىڭ رەت كەشىرىم سۇراۋعا مۇمكىندىگى بولدى. ال ب ا ق- تا جازىلىپ جاتقاننىڭ باسىم بولىگى ويدان شىعارىلعان» ، - دەيدى ءبىزدىڭ اڭگىمەلەسۋشىمىز.
بۇدان بولەك، باقىتبەك ەسەنتايەۆتىڭ ادۆوكاتى بەكبولات جەكسەيىتوۆ قازىر وعان تاعىلعان «كىسى ءولتىرۋ ءۇشىن قاستاندىق جاساۋ» تۋرالى ايىپتى قىلمىستىق كودەكستىڭ 106 بابىنا ياعني ءاۋ باستاعى «دەنساۋلىعىنا اۋىر جاراقات سالۋ» بابىنا اۋىستىرۋ ءۇشىن بارىنشا ارەكەت ەتۋدە.
قازىرگى كۇنى تەرگەۋ اياقتالدى. ايىپتالۋشىعا ق ر قىلمىستىق كودەكسىنىڭ 24 - بابى 3 - ءبولىمى ارقىلى 99 - بابى 1 - بولىمىنە، ياعني «كىسى ءولتىرۋ ءۇشىن قاستاندىق جاساۋ» بويىنشا ايىپ تاعىلعان. قىلمىستىق ءىس الماتى وبلىسىنىڭ قىلمىستىق ىستەر جونىندەگى مامانداندىرىلعان سوتىنا بەرىلدى. سوت پروتسەسى قاسكەلەڭ قالاسىنداعى №2 سوتتا ءوتۋى مۇمكىن.
اۆتور: قانات مامەتقازى ۇلى
