جۇمىسپەن قامتۋ باعدارلاماسىنا 45 مىڭعا تارتا جۇمىسسىز قاتىستى
ونىڭ 45 مىڭعا جۋىعى جۇمىسسىزدار. بۇل تۋرالى ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتى بارىسىندا ق ر دەنساۋلىق ساقتاۋ جانە الەۋمەتتىك دامۋ ۆيتسە-مينيسترى ءبىرجان نۇرىمبەتوۆ ءمالىم ەتتى.
ۆيتسە-ءمينيستردىڭ سوزىنە قاراعاندا، بيىل «جۇمىسپەن قامتۋ 2020» باعدارلاماسىنا 78,4 مىڭ ادام قاتىسقان، ونىڭ ىشىندە جۇمىسسىزدار سانى 44,9 مىڭ نەمەسە بارلىق قاتىسۋشىلاردىڭ 57,3 پايىزىن قۇراپ وتىر. ال قاتىسۋشىلاردىڭ 25,3 مىڭى نەمەسە 32,2 پايىزى - ءوزىن-ءوزى جۇمىسپەن قامتىعاندار، سونىمەن قاتار، ءىشىنارا جۇمىسپەن قامتىلعاندار 750 ادام نەمەسە 1 پايىزعا تەڭ.
«باعدارلاماعا قاتىسۋشىلارى اراسىندا از قامتىلعان ازاماتتار ۇلەسى 3 مىڭ 340 ادام، سونىڭ ىشىندە 2 مىڭ 594 مۇمكىندىگى شەكتەۋلى ازاماتتار بار. سونىمەن قاتار، 29 جاسقا دەيىنگى جاستاردىڭ ۇلەسى 36 مىڭ 206 ادامدى نەمەسە 46,2 پايىزدى قۇراپ وتىر. 45,8 پايىزى نەمەسە 35 مىڭ 968 ادام - ايەلدەر»، - دەدى ب. نۇرىمبەتوۆ.
ونىڭ سوزىنە قاراعاندا، قازىرگى تاڭدا ەلىمىزدەگى ەكونوميكالىق بەلسەندى حالىقتىڭ سانى 8 ميلليون 907 مىڭ ادامدى قۇرايدى. ال جۇمىسسىزدىق دەڭگەيى 5 پايىز شاماسىندا.
اۆتور: قانات مامەتقازى ۇلى