الماتىدا كولىك پوليتسياسى جولاۋشىلاردىڭ مازاسىن العان 45 جاستاعى ايەلدى ۇستادى

بۇل تۋرالى كولىكتەگى ءى ءى د باسپا ءسوز قىزمەتىنەن حابالادى.

الماتى-2 ستانساسىنىڭ جەلىلىك پوليتسيا بولىمىنە ۆوكزال بويىنشا كەزەكشى حابارلاستى.

ول الماتى-2 ستانساسىنداعى تەمىر جول ۆوكزالىندا ءبىر ايەلدىڭ «تەمىر جول بيلەتىن ساتىپ الىڭىزدار» دەپ جابىسىپ، قايتا-قايتا مازالارىن الىپ جاتقاندىعىن ايتتى.

جەدەل-ىزدەۋ شاراسى بارىسىندا كولىك پوليتسياسى الماتى قالاسىنىڭ تۇرعىنى، 45 جاستاعى ايەلدى ۇستادى. ق ر اكىمشىلىك قۇقىق بۇزۋشىلىق كودەكسىنىڭ 449-بابىنىڭ 1-تارماعى (قوعامدىق ورىنداردا ساتىپ الۋ، ساتۋ، باسقا دا قىزمەتتەردى كۇشتەپ تىقپالاۋ) بويىنشا اكىمشىلىك حاتتاما تولتىرىلدى.

ق ر ءى ءى م كولىكتەگى ءى ءى د باستىعىنىڭ باسپا ءسوز قىزمەتكەرى ءلاززات الەنوۆانىڭ ايتۋىنشا، قازىرگى تاڭدا كولىكتەگى ءى ءى د اكىمشىلىك پوليتسيا باسقارماسىنىڭ بولىمشەسى 55678 اكىمشىلىك قۇقىق بۇزۋشىلىق ارەكەتتەردى تىركەگەن. ولاردىڭ ىشىندە 998 قۇقىق بۇزۋشىلىق ارەكەت قوعامدىق ورىنداردا ادامداردىڭ مازاسىن الۋعا بايلانىستى.

ايتا كەتەلىك، مۇنداي قۇقىق بۇزۋشىلىق جاساعان ادامعا ءبىرىنشى رەت 5 ا ە ك (9910 تەڭگە)، ءبىر جىل ىشىندە تاعى قايتالايتىن بولسا 10 ا ە ك (19820 تەڭگە) كولەمىندە ايىپپۇل سالىنادى نەمەسە 5 تاۋلىككە اكىمشىلىك تۇتقىنعا الىنادى. شەت ەلدىكتەر تاراپىنان جاسالسا، 5 تاۋلىككە اكىمشىلىك تۇتقىنعا الىنىپ، ەلدەن الاستاتىلادى.

اۆتور: جاپپاربەرگەن ايبوتا