استانادا جازعى دەمالىس كەزىندە 45 مىڭ وقۋشى مەكتەپ جانىنداعى لاگەرلەردە تىنىعادى
دەپ حابارلادى astana.gov.kz.
استانا قالاسى ءبىلىم باسقارماسىنىڭ حابارلاۋىنشا، قالادا 73 مەكتەپتە 1 - ماۋسىم جانە 10 - شىلدە ارالىعىندا 1-4 - سىنىپتا وقيتىن 45000 وقۋشىنى قامتيتىن مەكتەپ جانىنداعى لاگەرلەر اشىلادى. بۇل لاگەرلەرگە 596 جەتىم، تۇرمىسى تومەن وتباسىلاردان شىققان جانە الەۋمەتتىك قورعالماعان بالالار بارادى.
وقۋشىلاردىڭ جازعى دەمالىسىن ۇيىمداستىرۋ ءۇشىن «ديدارلى جاز» سپورتتىق- ويىن الاڭدارى دا جۇمىس ىستەيدى. شىلدە ايىنىڭ 1-10 ارالىعىندا اتالمىش الاڭدارعا 4000 نان استام 5-7 - سىنىپ وقۋشىسى قاتىسادى. الاڭداردىڭ نەگىزگى ماقساتى - بۇقارالىق سپورت تۇرلەرىن وقۋشىلار اراسىندا ناسيحاتتاۋ.
ال 8-10 - سىنىپ وقۋشىلارى ءۇشىن مەكتەپتەر جانىنان اشىلاتىن «ايبىندى ماۋسىم» اسكەري- سپورتتىق الاڭداردا دەمالىس ۇيىمداستىرىلادى. جازعى دەمالىس كەزىندە 3 اۋىسىمدا جۇمىس ىستەيتىن الاڭدا 3000 استام وقۋشى قامتىلادى دەپ كۇتىلۋدە.
جاز ماۋسىمىندا، 8 - ماۋسىمنان 14 - تامىزعا دەيىن «ارمان» سپورتتىق- ساۋىقتىرۋ لاگەرىندە 5 اۋىسىم ۇيىمداستىرىلادى. ءار اۋىسىمدا 352 بالا بولادى، بارلىق اۋىسىم ناتيجەسىندە 1650 وقۋشى قامتىلادى. 5 اۋىسىمنىڭ ۇشەۋى جەتىم بالالار، تۇرمىسى تومەن وتباسىلاردان شىققان وقۋشىلار ءۇشىن تەگىن ۇيىمداستىرىلادى.
جەتىم بالالار مەن الەۋمەتتىك قورعالماعان توپقا جاتاتىن وقۋشىلار «باتىر» لاگەرىندە 10 - ماۋسىم مەن 16 - شىلدە ارالىعىندا دا تەگىن دەمالا الادى.
بالالار ۇيىندە تاربيەلەنىپ جاتقان 158 شاكىرت اقمولا وبلىسىندا ورنالاسقان «بوروۆيچوك» دەمالىس ورتالىعىندا جازعى ۋاقىتىن وتكىزەتىن بولادى.
ودان وزگە، استانا قالاسىندا ەكى وقۋشىلار سارايىندا 1 - ماۋسىمنان 10 - شىلدەگە دەيىن كۇندىز جۇمىس ىستەيتىن لاگەرلەر اشىلادى. اتالمىش لاگەرلەردىڭ قۇنى 15000 تەڭگە (10 كۇن).
كورسەتىلەتىن قىزمەتتىڭ ساپاسىن انىقتاۋ ماقساتىندا م. وتەمىس ۇلى اتىنداعى وقۋشىلار سارايىندا 324967, 556871, 556869 تەلەفوندارى بويىنشا شۇعىل جەلىلەر جۇمىس ىستەيتىن بولادى. اتا- انالار جازعى دەمالىستى ۇيىمداستىرۋ ماسەلەلەرى بويىنشا وسى تەلەفوندارعا حابارلاسا الادى.
