09:11, 28 - قاراشا 2014 | GMT +6
قىتاي ونەرىنىڭ ەڭ قىمبات تۋىندىسى 45 ميلليون دوللارعا ساتىلدى
استانا. قازاقپارات - شياڭگاڭدا وتكەن ءباسساۋدادا 15-عاسىردىڭ باس كەزىندەگى تيبەتتىك ءدىني كونە وراما قاعاز رەكوردتى - 45 ميلليوننان استام باعاعا ساتىلدى.
ول وسىعان دەيىنگى ءباسساۋدادا ساتىلعان قىتاي ونەرىنىڭ ەڭ قىمبات تۋىندىسى. بۇل تۋرالى ءباسساۋدا ءۇيىنىڭ وكىلدەرى حابارلادى.
اتالعان لوت بويىنشا ونىڭ قۇنى شامامەن 10 ميلليون دوللاردى قۇرادى. ءباسساۋدا سارسەنبى كۇنى وتكىزىلدى جانە جيىرما مينۋتتان استام ۋاقىتقا جالعاستى. ناتيجەسىندە كولەمى 335/213 سانتيمەتر بولاتىن جىبەك ماتاداعى تيبەت يكونوگرافيكالىق كوركەم سۋرەتى تانىمال قىتاي كوللەكتسيونەرى ليۋ يتسيانيۋ ساتىپ الدى. ول ءوز يەلىگىنە وتكەن جادىگەردىڭ جاقىندا شانحايدا اشىلعان جەكە مەنشىگىندەگى مۇراجايىنىڭ ماڭىزدى ەكسپوناتىنا اينالاتىنىن حابارلادى.
مامانداردىڭ باعالاۋىنشا، بۇگىنگى كۇنگە دەيىن تەك ءۇش ءدىني كونە وراما قاعاز عانا جەتكەن. قالعان ەكەۋى لحاستاعى دجوكانگ تيبەت موناستىرىندا ساقتالۋدا.
