08:32, 18 - شىلدە 2014 | GMT +5
بۇگىن بۋرابايدا فيزيكا ءپانى بويىنشا 45- حالىقارالىق وليمپيادا وتەدى
كوكشەتاۋ. قازاقپارات - بۇگىن بۋرابايدا فيزيكا ءپانى بويىنشا 45- حالىقارالىق وليمپيادا باستالادى. بۇل تۋرالى وبلىستىق ىشكى ساياسات باسقارماسىنىڭ باسپا ءسوز قىزمەتىنەن حابارلادى.
«RIXOS» قوناق ءۇي كەشەنىندە وتەتىن وليمپياداعا الەمنىڭ 88 ەلىنەن كەلگەن 700 وقۋشى قاتىسادى دەپ جوسپارلانعان.
بۇل جولى بۋرابايدىڭ تاڭداپ الىنۋى تەكتەن-تەك ەمەس. قازاقتىڭ كەڭ-بايتاق ساحاراسىنىڭ قاق تورىندە ورنالاسقان سۇلۋ وڭىردە شەتەلدىك بالالار جارىسقا قاتىسىپ قانا قويماي، تازا تابيعات اياسىندا دەمالىپ قايتادى.
وليمپيادا بارىسىندا قوناقتار ەتنواۋىلداردى ارالاپ كورىپ، قازاقتىڭ ۇلتتىق ويىندارىن تاماشالايدى، سونداي-اق، قولونەر، بەينەلەۋ ونەرىنىڭ شەبەرلەرىنىڭ جارمەڭكە-كورمەسىمەن دە تانىسادى.
