09:05, 03 - شىلدە 2014 | GMT +5
توڭازىتىلعان بولمەدە وتىرىپ يتالياعا جەتپەك بولعان 45 ميگرانت اۋا جەتپەي اجال قۇشتى
استانا. قازاقپارات - سيتسيليا بۇعازىندا زاڭسىز ميگرانتتار وتىرعان قايىقتى يتاليانىڭ تەڭىز اسكەري كۇشتەرى قولعا ءتۇسىردى.

قۇتقارۋشىلار قايىقتا بولعان 45 ميگرانتتىڭ قازا تاپقانىن حابارلادى.
تەرگەۋ بارىسىندا دارىگەرلەر ميگرانتتاردىڭ اۋا جەتىسپەگەندىكتەن مەرت بولعانىن انىقتادى.
اقپارات كوزدەرىنىڭ حابارلاۋىنشا، جول بويى ولار توڭازىتاتىن بولمەدە وتىرعان ەكەن. قايىقتا 611 جولاۋشى بولعان. ولار - افريكا مەن تاياۋ شىعىستان شىققان كەلىمسەكتەر.
جالپى وسى جىلدىڭ باسىنان بەرى يتاليا جاعالاۋىنا بەت العان 60 مىڭنان استام ميگرانت قۇتقارىلدى.
24.kz