نازاربايەۆ ۋنيۆەرسيتەتى ەل دامۋىن جەدەلدەتەتىن 45 عىلىمي جوبا ازىرلەۋدە - گ. ءابدىقالىقوۆا
بۇل تۋرالى بۇگىن استانادا ءوتىپ جاتقان جوعارى ءبىلىم كوشباسشىلارىنىڭ 3 - ەۋرازيالىق فورۋمىندا (EHELF) ق ر پرەمەر- ءمينيسترىنىڭ ورىنباسارى گۇلشارا ءابدىقالىقوۆا ءمالىم ەتتى.
«قازىردىڭ وزىندە نازاربايەۆ ۋنيۆەرسيتەتىندە جاڭارتىلاتىن ەنەرگەتيكا، قورشاعان ورتا، كومپيۋتەرلىك تەحنولوگيالار، بيوحيميا، روبوتتەحنيكاسى جانە فيزيكا سياقتى باعىتتار بويىنشا 45 عىلىمي جوبا جۇرگىزىلىپ جاتىر» ، - دەدى ول.
ونىڭ ايتۋىنشا، ەلىمىزدىڭ بارلىق جوعارى وقۋ ورىندارىندا عىلىم مەن بيزنەستىڭ بەرىك بايلانىسى ورناتىلسا عانا، مەملەكەت قارقىندى دامۋ جولىنا تۇسە الادى.
«بۇل كاسىپورىندارعا يننوۆاتسيالاردى ءتيىمدى ەنگىزىپ، جاڭا ونىمدەر مەن قىزمەتتەرگە جول اشادى» ، - دەيدى ۆيتسە- پرەمەر.
ايتا كەتەيىك، بيىلعى فورۋمنىڭ نەگىزگى تاقىرىبى «تابىستى ۋنيۆەرسيتەت قۇرۋ جولدارى» دەپ اتالدى. وعان ەلىمىزدىڭ بەدەلدى ج و و- لارىنىڭ رەكتورلارى، كەمبريدج، تورونتو، حارتفورد ۋنيۆەرسيتەتتەرىنىڭ بەلگىلى عالىمدارى مەن پروفەسسورلارى قاتىسۋدا.
اۆتور: ءابۋ- اسقار مەكەش ۇلى
