تەمىردىڭ 455 تۇرعىنى ءداستۇرلى ەمەس ءدىن جولىن ۇستانادى

استانا. قازاقپارات - اقتوبە وبلىسىنىڭ تەمىر اۋدانىندا «ءدىني احۋال وتە كۇردەلى» دەگەن جالپىلاما ءسوز بۇرىن ءار تۇستا ايتىلىپ قالاتىن.

27 -قاڭتار كۇنى پوليتسيانىڭ جىلدى قورتىندىلاعان جيىنىندا العاش رەت تەمىردەگى احۋالعا قاتىستى رەسمي دەرەكتەر جاريا ەتىلدى. پوليتسيانىڭ مالىمەتىنشە، وسى اۋداندا تۇراتىن 455 ادام ءداستۇرلى ەمەس ءدىن جولىندا ءجۇر.

بىلتىر تەمىر اۋدانىنىڭ ءدىن جولىندا جۇرگەن بەس تۇرعىنى شەتەل اسپاق بولعان جەرىنەن توقتاتىلعان. بۇل تۋرالى جىلدى قورتىندىلاعان جيىندا تەمىر اۋداندىق ءى ءى ب باستىعى، پوليتسيا پودپولكوۆنيگى مۇرات بەكەتايەۆ ايتتى.

 - اۋدان مەشىتتەرىنە بىلايعى كۇندەرى 100-110 ادام بارسا، جۇما كۇندەرى 450-460 كىسى جينالادى. جالپى العاندا تەمىردە ءدىن جولىن 652 ادام بار. سونىڭ 455 ى ءداستۇرلى ەمەس اعىمداردىڭ جەتەگىندە. سونىمەن قاتار 22 تۇرعىندى ارنايى ەسەپكە الدىق. الايدا، شۇبارقۇدىق، شۇبارشي، قەنكياقتا ءداستۇرلى ەمەس ءدىن وكىلدەرىندە بەتبۇرۋشىلىق بايقالادى، - دەدى ءوزىنىڭ ەسەبىندە مۇرات بەكەتايەۆ.

سونىمەن قاتار، پوليتسيانى شەكارا اسىپ، ءدىني ءبىلىم العىسى كەلەتىن ازاماتتاردىڭ جايى دا الاڭداتىپ وتىر. مىسالى، 2014 -جىلى 11 ازامات شەكارا اسىپ كەتكەن. ال بىلتىر تاياۋ شىعىسقا بارىپ، ءدىني ءبىلىم الماق بولعان 5 ازامات ەلگە قايتارىلىپتى.

پوليتسيانىڭ ەسەپ بەرۋ جيىنىنا قاتىسقان اقتوبە وبلىسىنىڭ اكىمى بەردىبەك ساپاربايەۆ مۇنداي جاعدايعا مۇلدەم كوڭىلى تولمايتىنىن ايتتى. ءدىن جولىندا جۇرگەن ازاماتتاردى جۇمىسپەن قامتۋ، قوعامعا ەتەنە ارالاستىرۋدى تاپسىردى.

پوليتسيا پودپولكوۆنيگى مۇرات بەكەتايەۆتىڭ سوزىنە قاراعاندا، ءداستۇرلى ەمەس ءدىن جولىن ۇستاناتىن ازاماتتار اۋدان اكىمدىگى ۇسىنعان جۇمىستارعا بارعىلارى كەلمەيدى. اسىرەسە، ايەلدەر جاعى «ول مەكەمەدە ەركەكتەر مۇلدەم بولماۋى كەرەك» دەپ شارت قويادى. ال ەرلەر نەگىزىنەن جەكە كاسىپپەن اينالىسادى. ياعني، جەكە كولىكتەرىمەن جولاۋشى تاسىپ، مال ءوسىرىپ ءناپاقا تاۋىپ ءجۇر.