20:59, 07 - شىلدە 2016 | GMT +5
بيلەتتەن 454 ميلليون دوللار ۇتقان ا ق ش تۇرعىنى ۇتىسىن الۋعا كەلمەي قويدى
استانا. قازاقپارات - دجەكپوتتان 454 ميلليون دوللار ۇتىپ العان نيۋ يورك تۇرعىنى ۇتىسىن الۋعا كەلمەي قالدى دەپ حابارلايدى «استانا» ارناسى.
ا ق ش- تا «مەگا ميلليون» دەپ اتالاتىن دجەكپوت ويناتىلعان. بۇل جولعى ۇتىس كولەمى جاعىنان ءبىرىنشى ءىرى جۇلدە بولىپ وتىر. ءبىر قىزىعى - وسىنشا مول ۇتىسقا يە بولعان تۇرعىن بۇل اقشانى الۋعا ءالى كەلمەگەن.
ويىن ا ق ش- تىڭ 44 شتاتىندا تىكەلەي ترانسلياتسيا ارقىلى ءوتتى. وعان كورەرمەندەر بەلسەنە قاتىستى. ايتا كەتەيىك، دجەكپوت سوماسى ناۋرىز ايىنان بەرى وسە باستاعان.
ءدال سول ايدا ۆاشينگتون تۇرعىنى 157 ميلليون دوللار ۇتىپ العان ەدى. باعىن سىناپ كورمەككە ۇمتىلعاندار قاتارى ازايار ەمەس. وعان ءتىپتى بيلەت قۇنىنىڭ ايتارلىقتاي قىمباتتىعى دا توقتاۋ بولا الماي وتىر، دەيدى لوتەرەيا ساتۋشىلار.
