16:42, 02 - قازان 2018 | GMT +6
قوستانايدا 453 شەتەلدىك كوشى-قون زاڭىن بۇزعان
قوستاناي. قازاقپارات - قوستاناي وبلىسىندا «نەلەگال» شۇعىل پروفيلاكتيكالىق شاراسى بارىسىندا كوشى-قون زاڭىن بۇزعان 453 شەتەلدىك ازامات انىقتالدى، دەپ حابارلايدى قازاقپارات وبلىستىق ءى ءى د باسپا ءسوز قىزمەتىنە سىلتەمە جاساپ.
«نەلەگال» وپەراتيۆتى- الدىن الۋ شاراسى قۇقىقتىق ءتارتىپتى قامتاماسىز ەتۋ، قازاقستان رەسپۋبليكاسىنا زاڭسىز كەلەتىن ادامداردى انىقتاۋ، زاڭسىز كوشى-قون ارنالارىن جويۋ ماقساتىندا، سونداي-اق، شەتەلدىكتەردى جۇمىسقا زاڭسىز تارتۋ فاكتىلەرىن انىقتاۋ ماقساتىندا جۇرگىزىلۋدە.
«جەدەل-الدىن الۋ شاراسى شەتەل ازاماتتارى كوپ جاعدايدا قازاقستانعا كەلۋ-كەتۋ ءتارتىبىن بۇزاتىنىن كورسەتتى. سوت شەشىمىن قامتاماسىز ەتۋ ماقساتىندا 29 شەتەل ازاماتى ەلىمىزدىڭ اۋماعىنان ماجبۇرلەپ شىعارىلدى»، - دەدى وبلىستىق ءى ءى د كوشى- قون قىزمەتى باسقارماسىنىڭ باستىعى قايرات دۇتپايەۆ.
شارا بارىسىندا 453 شەتەلدىك كوشى-قون زاڭىن بۇزعان. ناتيجەسىندە، ق ر اۋماعىنا كەلۋ-كەتۋ، ءجۇرىپ-تۇرۋ ءتارتىبىن ساقتاماعان 166 شەتەل ازاماتى اكىمشىلىك جاۋاپقا تارتىلدى.