ەلىمىزدە 450 مىڭ حالىق ەش جەردە جۇمىس ىستەمەيدى
«جۇمىسسىز قالعان ازامات پورتال نەمەسە جۇمىسپەن قامتۋ ورتالىعى ارقىلى جۇمىسسىز رەتىندە تىركەلۋى كەرەك. بىزدە كوپ ازامات تىركەلمەي ۋاقىت جوعالتىپ الادى. مەملەكەتتەن بەرىلەتىن جاردەماقى جۇمىسسىز رەتىندە رەسمي تىركەلگەننەن كەيىن عانا تاعايىندالادى. ودان ءارى تولەم اۆتوماتتى تۇردە راسىمدەلەدى»، - دەدى نۇرسۇلۋ كەمەل ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، جۇمىسسىز رەتىندە الەۋمەتتىك تولەم الاتىنداردىڭ ءوسىمى بايقالمايدى.
«قازىر 450 مىڭعا جۋىق جۇمىسسىز ادام بار. بۇل - رەسمي ستاتيستيكا. سونىڭ 106 مىڭى ءبىزدىڭ قورعا كەلىپ وتىر. سول جۇمىسسىز جۇرگەن ازاماتتاردىڭ 20-30 مىڭى مەملەكەت تاراپىنان بەرىلەتىن الەۋمەتتىك تولەمنىڭ بارىن ءالى دە بىلمەيدى. ءبىز كاسىپورىندار مەن جۇمىس بەرۋشىلەرگە قىزمەتكەرىڭىزدى جۇمىستان شىعارىپ جاتساڭىز، الەۋمەتتىك تولەمنىڭ بارىن ايتىڭىز دەپ ەسكەرتىپ جاتامىز»، - دەيدى ول.
بۇعان دەيىن ەلىمىزدە 3 مىڭنان استام ەر ادام بالا كۇتىمىنە بايلانىستى دەكرەتكە شىققانىن حابارلاعان ەدىك.
اۆتور داۋلەت ىزتىلەۋ
