وتكەن جىلى پاۆلودار وبلىسىنىڭ ەكونوميكاسىنا 450 ميلليارد تەڭگە ينۆەستيتسيا تارتىلدى
بۇل تۋرالى بۇگىن «100 ناقتى قادام» ۇلت جوسپارىن جۇزەگە اسىرۋعا ارنالعان باسپا ءسوز ءماسليحاتىندا اتالعان ءوڭىردىڭ اكىمى بولات باقاۋوۆ ءمالىم ەتتى.
«وتكەن جىلى وبلىسقا 450 ميلليارد تەڭگە تارتىلىپ، بۇل ءوز كەزەگىندە رەسپۋبليكا وڭىرلەرى اراسىندا ينۆەستيتسيالار بويىنشا كوشباسشىلاردىڭ ءبىرى بولۋعا مۇمكىندىك بەردى. سونىمەن بىرگە وڭدەۋ ونەركاسىبىنە ينۆەستيتسيالار 230 ميلليارد تەڭگەدەن استى. اتاپ ايتقاندا، بىزگە جوعارى قوسىلعان قۇنىمەن ءونىم الۋ ءۇشىن، ءدال وسى سەكتوردى ءارتاراپتاندىرعان ماڭىزدى»، - دەدى ب. باقاۋوۆ.
ينۆەستورلار ءۇشىن قولايلى جاعداي جاساۋ ماقساتىندا 2015 -جىلدان ينۆەستيتسيا تارتۋ جونىندەگى اگەنتتىك قىزمەت ەتىپ جاتقانىن ەسكە سالىپ وتكەن اكىم، سونىمەن قاتار جوبالاردى جۇزەگە اسىرۋ كەزىندە تۋىندايتىن جۇيەلى ماسەلەلەردى شەشۋ ءۇشىن وبلىستىق ينۆەستورلار كەڭەسى قۇرىلعانىن جەتكىزدى. ونىڭ قۇرامىنا وتاندىق جانە شەتەلدىك ءىرى كومپانيالار، بانكتەر مەن ساراپشىلار ەندى. مۇنىمەن قوسا، جاقىن ارادا ارنايى سايت ىسكە قوسىلىپ، وندا الەۋەتتى ينۆەستورلار ءوڭىر تۋرالى قاجەتتى اقپاراتتى تابا الادى.
«ءبىز تۇراقتى تۇردە «ەرتىس ينۆەست» ينۆەستيتسيالىق فورۋمىن وتكىزىپ كەلەمىز جانە ول ءوزىنىڭ ءتيىمدى ناتيجەسىن بەرۋدە. ەگەر دە 2014 -جىلى فورۋمدا 39 ميلليارد تەڭگەگە تارتا سومانىڭ كوممەرتسيالىق قۇجاتتارى بەكىتىلسە، وتكەن جىلى 500 ميلليارد تەڭگەنىڭ قۇجاتتارىنا قول قويىلدى»، - دەدى ءوڭىر اكىمى.
ونىڭ ايتۋىنشا، ينۆەستيتسيا سالۋ ماقساتىندا بيىل وبلىسقا نيدەرلاندى، چەحيا، ا ق ش ەلشىلىكتەرىنىڭ وكىلدەرى كەلدى. سونىمەن قاتار قىتايلىق الدىڭعى قاتارلى كومپانيالارمەن دە بەلسەندى جۇمىستار جۇرگىزىلۋدە. وسى رەتتە قىتايلىق كومپانيامەن ا ە ا اۋماعىندا حيميالىق- مەتاللۋرگيالىق كەشەن بويىنشا بىرلەسكەن جوبا ىسكە اسىرىلۋدا. ونىڭ قۇنى 900 ميلليون ا ق ش دوللارىنا باعالانىپ وتىر.
«ەلەكتروليزدى ءوندىرىستى كەڭەيتۋ، «ە ە ك» ا ق- دا ەكى ەنەرگيالىق بلوكتى جاڭعىرتۋ جانە اۆتوكولىكتەرگە ارنالعان اليۋميني ديسكىلەردىڭ ءوندىرىسىن ۇيىمداستىرۋ جوبالارىن جۇزەگە اسىرۋ جالعاسۋدا. جوبالاردىڭ قۇنى 1,1 ميلليارد ا ق ش دوللارىنا باعالانىپ وتىر»، - دەدى ب. باقاۋوۆ.
اۆتور: رۋسلان عابباسوۆ
