ا ق ش-تا 450 گە جۋىق بالا سيرەك كەزدەسەتىن قاۋىپتى ۆيرۋستى جۇقتىردى
سىرقاتتاردى باقىلاۋ جانە الدىن الۋ جونىندەگى امەريكالىق ورتالىقتىڭ مالىمەتتەرى بويىنشا، بالالاردىڭ جۇقتىرۋ جاعدايلارى 40 شتاتتا تىركەلگەن. ۆيرۋستىڭ تاراۋى وسى جىلدىڭ تامىزىندا باستالعان.
68 ەنتەروۆيرۋسىنىڭ بەلگىلەرى تۇماۋعا ۇقساس. الايدا ونىڭ سوڭى تىنىس الۋدىڭ كۇردەلى دەرتىنە اكەلىپ، ءتىپتى كەي جاعدايلاردا ادام سال بولىپ قالۋى مۇمكىن.
قازىرگى تاڭدا ۆيرۋستىڭ وسى تۇرىنە قارسى تۇراتىن ءدارى-دارمەك جوق. دارىگەرلەردىڭ قولىنان بار كەلەتىنى - اۋرۋ بەلگىلەرىن جەڭىلدەتۋ. مەديتسينا قىزمەتكەرلەرى ەپيدەميا ودان ارى تاراي بەرەدى دەگەن قاۋىپتە.
ءبىرىنشى رەت بۇل ۆيرۋس جارتى عاسىر بۇرىن تىركەلگەن، الايدا ونى جۇقتىرۋ جاعدايلارى سيرەك كەزدەسەتىن. ونىڭ جاپپاي بەلگىلەرى ا ق ش-تىڭ باتىسىندا بىلىنگەن. وسى كۇنى ۆيرۋس قۇراما شتاتتاردىڭ اۋماعىنان سىرت ەلدەرگە تاراپ كەتتى. تاياۋدا ۆيرۋستىڭ ەكى جاڭا شتاممى ازيا مەن اۆستراليادا تىركەلدى.
