بىلتىر قازاقستاننان 45,2 مىڭ ادام كوشىپ كەتكەن
نۇر-سۇلتان. قازاقپارات - قازاقستاننان وتكەن جىلى 22 مىڭ ەڭبەككە قابىلەتتى ادام كوشىپ كەتتى، دەپ حابارلادى ranking.kz.
2019-جىلدىڭ قاڭتار-جەلتوقسان ارالىعىندا قازاقستانداعى ىشكى كوشى-قون اعىنى 1,1 ميلليون ادامعا جەتتى، بۇل 2018-جىلدىڭ قاڭتار-جەلتوقسانىنداعى جاعدايمەن (888,4 مىڭ ادام) سالىستىرعاندا %25,6 عا كوبەيگەن. سىرتقى كوشى- قونعا كەلەتىن بولساق، وتكەن جىلدىڭ قاڭتار-جەلتوقسانىندا قازاقستانعا 12,26 مىڭ ادام كوشىپ كەلىپ (ءبىر جىلدا -%4,1)، ال 45,2 مىڭ ادامدى كوشىپ كەتكەن (ءبىر جىلدا %8+).
قازاقستانعا كەلگەن ميگرانتتاردىڭ اراسىندا 1,7 مىڭ بالالار مەن جاس وسپىرىمدەر، 9,5 مىڭ ەڭبەككە قابىلەتتى جاستاعى ادام جانە 1,1 مىڭ زەينەتكەر بار.
ال ەلدەن 11,7 مىڭ بالالار مەن جاس وسپىرىمدەر، 31,5 مىڭ ەڭبەككە قابىلەتتى ادام جانە 2,1 مىڭ زەينەتكەر كوشىپ كەتكەن.
يمميگرانتتاردىڭ كوبىسى ماڭعىستاۋ (2,5 مىڭ ادام) جانە الماتى (2,1 مىڭ ادام) وبلىستارىنا، سونداي-اق الماتىعا (1,4 مىڭ ادام) كەلگەن. ال ەميگرانتتاردىڭ باسىم كوپشىلىگى شىعىس قازاقستان (7,1 مىڭ ادام)، قاراعاندى (5,8 مىڭ ادام) جانە قوستاناي (5,7 مىڭ ادام) وبلىستارىنان كوشىپ كەتكەن.
قازاقستانعا ميگرانتتاردىڭ كوپشىلىگى ت م د ەلدەرىنىڭ ىشىندە وزبەكستاننان 4,16 مىڭ ادام، رەسەي فەدەراتسياسىنان 3,4 مىڭ ادام جانە تۇرىكمەنستاننان 874 ادام كەلدى. سىرت ەلدەرگە قونىس اۋدارعان قازاقستاندىقتاردىڭ باسىم كوپشىلىگى رەسەي فەدەراتسياسىنا (39,8 مىڭ ادام)، وزبەكستانعا (435 ادام) جانە بەلارۋسكە (356 ادام) كەتتى.
