ەلىمىزدەگى وق-ءدارى ساقتايتىن 44 نىساننىڭ شەكاراسى ايقىندالادى
بۇل تۋرالى ق ر پرەمەر-ءمينيسترى اسقار مامين دەپۋتاتتىق ساۋالعا بەرگەن جاۋابىندا ايتىلعان، دەپ حابارلايدى قازاقپارات ءتىلشىسى.
«قورعانىس مينيسترلىگىنىڭ قويمالارى مەن وق-دارىلەرى بار ارسەنالدارىنىڭ جانىندا اۋماعىندا تىيىم سالىنعان ايماقتار مەن اۋداندار بەلگىلەنگەن جەر ۋچاسكەلەرىن مەملەكەت مۇقتاجى ءۇشىن يەلىكتەن شىعارۋ، سونداي-اق وق-دارىلەردى ساقتاۋدىڭ قازىرگى زامانعى قويمالارىن سالۋ بويىنشا جۇرگىزىلىپ جاتقان جۇمىسقا قاتىستى دەپۋتاتتىق ساۋالدى قاراپ، مىنانى حابارلايمىن. قورعانىس مينيسترلىگىنىڭ اقپاراتى بويىنشا، قارۋلى كۇشتەردىڭ، باسقا دا اسكەرلەر مەن اسكەري قۇرالىمداردىڭ ارسەنالدارى، بازالارى مەن قويمالارى جانىنداعى تىيىم سالىنعان ايماقتار مەن اۋدانداردىڭ تىزبەسىنە سايكەس (قازاقستان رەسپۋبليكاسى ۇكىمەتىنىڭ 2021-جىلعى 15- قاڭتارداعى قاۋلىسى). 9№) قارۋلى كۇشتەردە ءىرى كاليبرلى وق-دارىلەردى ساقتايتىن 44 نىساننىڭ اينالاسىنداعى تىيىم سالىنعان ايماقتاردىڭ (اۋدانداردىڭ) شەكاراسى ايقىندالۋعا جاتادى»، - دەدى اسقار مامين دەپۋتاتتىق ساۋالعا بەرگەن جاۋابىندا.
ونىڭ ايتۋىنشا، نىسانداردىڭ اينالاسىنداعى تىيىم سالىنعان ايماقتاردىڭ جوسپارلارى مەن سحەمالارىن قورعانىس مينيسترلىگى ءتيىستى اكىمدىكتەرگە جولداۋى كەرەك.
وسىلايشا جەر كودەكسىنىڭ 16-بابىنىڭ 10-4-تارماعى بويىنشا، قورعانىس جانە ۇلتتىق قاۋىپسىزدىك ءۇشىن قاجەت جەر ۋچاسكەلەرىن بەرۋ جانە الىپ قويۋ وبلىستىڭ، رەسپۋبليكالىق ماڭىزى بار قالانىڭ، استانانىڭ جەرگىلىكتى اتقارۋشى ورگانىنىڭ قۇزىرەتىنە جاتادى.
«قازىرگى ۋاقىتتا 15 نىسان بويىنشا تىيىم سالىنعان اۋدانداردى بەلگىلەۋ قاجەتتىلىگى جويىلدى، ويتكەنى ولاردان ءىرى كاليبرلى وق-دارىلەر شىعارىلدى.
قاراعاندى (4)، جامبىل (4) جانە اقتوبە (1) وبلىستارىندا 9 نىسان بويىنشا كەلىسىم بار، ولار بويىنشا تىيىم سالىنعان ايماقتار شەگىندەگى جەر ۋچاسكەلەرىن يەلىكتەن شىعارۋ ءۇشىن قارجى قاراجاتى تالاپ ەتىلمەيدى.
قالعان 20 نىسان (الماتى (9)، شىعىس قازاقستان (6)، ماڭعىستاۋ (2)، قاراعاندى (1)، تۇركىستان (1) وبلىستارى مەن شىمكەنت قالاسىندا (1) ورنالاسقان. ۇكىمەت ماسەلەلەردى كەشەندى جانە جۇيەلى شەشۋ بويىنشا شارالار قابىلداۋدا. ويتكەنى تىيىم سالىنعان ايماقتار مەن اۋدانداردىڭ ارەكەتىنە ءىرى ەلدى مەكەندەر، جەكە مەنشىك جانە باسقا دا مۇلىك جاتادى»، - دەلىنگەن ۇكىمەت باشىسىنىڭ جاۋابىندا.
