الەمدەگى التىن قۇرساقتى، 44 بالا تۋعان ايەل جۇرتتى تاڭعالدىردى

 استانا. قازاقپارات - افريكانىڭ ۋگاندالىق تۇرعىنى ماريام ناباتانتسى الەمدەگى التىن قۇرساقتى انا سانالادى. 39 جاستاعى ايەل كۇيەۋىنەن 44 بالا تۋعان دەپ حابارلايدى mama-likes.ru سايتىنا سىلتەمە جاساعان NUR. KZ.

ومىرگە 44 بالانى امان- ەسەن الىپ كەلگەنىمەن، بۇگىندە ونىڭ 38 ءى عانا ءتىرى قالعان.

ماريامدى اكەسى مەن وگەي اناسى 13 جاسىندا تۇرمىسقا بەرىپ جىبەرگەن. ال جۇبايى وزىنەن 27 جاس ۇلكەن ەكەن.

«ول كەزدە مەن سەزىم مەن ماحابباتتىڭ نە ەكەنىن قايدان بىلەيىن. اكە- شەشەم مەنى ساتىپ، بايىپ قالدى. ال كۇيەۋىمدى تويدان كەيىن ءبىر- اق كوردىم. ول كەزدە مەنىڭ ويىم ەشكىمدى قىزىقتىرمادى»، - دەپ وتكەنىن ەسكە الدى ماريام.

اياعى اۋىر بولعاندىقتان، كۇيەۋىنەن قورلىق كورسە دە كەتە الماعان.

ماريام العاشقى ەگىزدەرىن تويدان ءبىر جىل وتكەن سوڭ بوسانعان.

سودان كەيىن ءتورت رەت تورتەمنەن، التى رەت ەگىزدەن، ءتورت رەت ۇشەمدى دۇنيەگە الىپ كەلگەن. ال قالعان سابيلەردى بىرەۋدەن بوسانىپتى.

كۇيەۋىمەن 26 جىل وتاسقان ماريام ناباتانتسىدىڭ بۇگىندە 10 قىزى مەن 28 ۇلى بار.

ول قازىر بالالارىن جالعىز اسىراپ وتىر. وتكەن جىلى كوپ بالالى اكە وتباسىن تاستاپ كەتىپتى.

فوتو:lilu4you.ru