استانادا ەكسپو قارساڭىندا تاعى 44 قوناق ءۇي اشىلادى
«قازىرگى ۋاقىتتا استانادا 180 گە جۋىق قوناق ءۇي جۇمىس ىستەيدى. ەكسپو كەزەڭىندە تاعى 11 قوناق ءۇي اشۋ جوسپارلانۋدا. قوناق ءۇي قورى 13 مىڭ ورىندى قۇرايدى. سونداي-اق 45 حوستەل جۇمىس ىستەيدى. ەكى اپتادان كەيىن بىزدە 400 ورىندىق حوستەلدەر ىسكە قوسىلادى»، - دەدى ادامبەكوۆ.
ول حوستەلدەردە - ەۋروپادا جانە الەمنىڭ دامىعان ەلدەرىندەگىدەي جاعدايلار قاراستىرىلعان. ونىڭ باستى ەرەكشەلىگى - ورنالاسۋدىڭ بيۋدجەتتىك نۇسقاسى. جالعا الۋ قۇنى 5 مىڭ تەڭگەدەن اسپايدى. حوستەلدەر كورمەنى 300 گە جۋىق ورىنمەن قامتاماسىز ەتەدى دەپ جوسپارلانۋدا.
«2016-جىلى قازاقستان حوستەل قاۋىمداستىعىن قۇردىق جانە وندا تۇرۋ باعاسى 5 مىڭ تەڭگەدەن اسپايتىنداي ۋاعدالاستىق»، - دەپ ەسكە سالدى «استانا كونۆەنشن بيۋرو» باسشىسىنىڭ ورىنباسارى.
ونىڭ ايتۋىنشا، قازىرگى تۇرعىلىقتى جەردىڭ بيۋجەتتىك ءتۇرى استانادا عانا ەمەس، الماتى، اقتوبە، قازاقستاننىڭ باسقا دا قالالارىندا كەڭىنەن تانىلا تۇسۋدە. كورمە قوناقتارى اراسىندا حوستەلگە دەگەن سۇرانىس ەرەكشە بولادى دەپ جوسپارلانۋدا.