يران تەمىر جولىنىڭ باسشىسى 44 ادام اجال قۇشقان پويىز اپاتىنان كەيىن جۇمىسىنان كەتتى
استانا. قازاقپارات - يران مەملەكەتتىك تەمىر جول كومپانياسىنىڭ باسشىسى ەلدىڭ سولتۇستىگىندە ەكى پويىزدىڭ سوقتىعىسۋى ءىسى بويىنشا 3 قىزمەتكەرى قاماۋعا الىنعاننان كەيىن وتستاۆكاعا كەتتى. اپاتتىڭ ورىن الۋىنا «ادام قاتەلىگى» سەبەپ بولعان.
ديسپەتچەر قۇراما ماشينيسىنىڭ بىرىنە اۆتوماتتى باقىلاۋ جۇيەسىن ءسوندىرۋدى تاپسىرادى. ەگەر بۇلاي بولماعان جاعدايدا بۇزىلىپ، توقتاپ تۇرعان پويىزعا سوقتىعىسۋدىڭ الدى الىنار ەدى. سوڭعى دەرەكتەرگە قاراعاندا، اپات سالدارىنان 44 ادام قازا تاپقان. بۇدان بۇرىن، 25 - قاراشادا سەمنان پروۆينتسياسىنداعى شاحرۋد قالاسىنا جاقىن ماڭدا جولاۋشىلار پويىزى ستانسادا تۇرعان قۇرامامەن بەتپە- بەت سوقتىعىسقانى حابارلانعان بولاتىن. سالدارىنان 4 ۆاگون رەلستەن شىعىپ كەتىپ، وقيعا ورنىندا ءورت بولدى.
