07:52, 11 - قاراشا 2015 | GMT +5
تۇڭعىش ماڭگى جاس بولىپ قالاتىن 44 جاستاعى كەلىنشەك
استانا. قازاقپارات - ەكى بالانىڭ اناسى، قايسار زەرتتەۋشى ەليزابەت پەرريش عىلىمي تاجىريبەگە قاتىسىپ جاتىر. ول اعزانىڭ قارتايۋىن توقتاتۋ ءۇشىن گەنومىن وزگەرتكەن تاريحتاعى العاشقى ايەل اتاندى.
بيىل كۇزدە 44 جاستاعى امەريكالىق زەرتتەۋشى ەليزابەت پەرريشتىڭ تامىرىنا گەنەتيكالىق ماتەريال ەنگىزدى. ول اعزاداعى ءار جاسۋشاعا ەنىپ، قارتايۋدى توقتاتادى. بۇل ادام دەنساۋلىعىنا قالاي اسەر ەتەتىنى ازىرگە بەلگىسىز.
«ءبىز بەلگىلى ءبىر پايدالى گەندى الامىز. سونىمەن قاتار ۆيرۋستى الىپ، ونى تازارتامىز - اۋرۋدى تاراتۋ مۇمكىندىگىنەن ايىرامىز. ۆيرۋس ىشىنە گەن ەنگىزىپ، بۇل قۇرىلىمدى اعزاعا ەنگىزەمىز»، - دەپ ءتۇسىندىردى عالىم. ەليزابەت سوزىنە قاراعاندى، ءارى قاراي ۆيرۋس ۆەكتورى جاسۋشالارعا تاراپ، گەندى جىلجىتىپ، جاسۋشالاردىڭ يادروسىنا ورناتادى. وسىلايشا جاسارۋ مەن ساۋىعۋعا قاجەتتى بەلوكتاردىڭ ءبولىنۋ بەلسەندىلىگى ارتادى.
ءۇش ايدان كەيىن العاشقى بيولوگيالىق قورىتىندىلار جاسالىپ، قاتىسۋشى جان-جاقتى تەكسەرىلەدى، دەپ جازادى شەتەلدىك ب ا ق.
