قىتايدا اپاتتىڭ الدىن العان ۇشقىشقا 444 مىڭ دوللار تولەندى

استانا. قازاقپارات - China Eastern Airlines اۆياكومپانياسى ۇشاعىنىڭ ۇشقىشى حە چاو 3 ميلليون يۋانمەن (شامامەن 444 مىڭ دوللار) ماراپاتتالدى.

ول شاڭحاي اۋەجايىندا ۇشۋ-قونۋ جولاعىندا باسقا اۆيالاينەرمەن سوقتىعىسۋدى بولدىرمادى.

Shanghai Daily گازەتى حابارلاعانداي، ۇشاق ەكيپاجىنىڭ قالعان مۇشەلەرى جالپى جيىنتىقتا 600 مىڭ يۋان (شامامەن 89 مىڭ دوللار) العان.

11 قازاندا شاڭحايدان تيانجيڭگە MU5643 رەيسىن جاساعان Airbus A320 ۇشاعى اۋەجايدىڭ ۇشۋ-قونۋ جولاعىنا شىعىپ كەتكەن. وسى ۋاقىتتا بەيجىڭ شاڭحايعا بەت العان Airbus 330 جەرگە قونىپ، ءدال سول باعىتتا قوزعالىپ كەلە جاتتى. ۇشقىش شۇعىل شەشىم قابىلداپ، ۇشۋىن جالعاستىردى، ناتيجەسىندە ول اپاتتىڭ الدىن الدى، دەپ جازادى russian.rt.com.