قازاقستاننىڭ ءۇش وبلىسىندا ءبىر تاۋلىكتە قار قۇرساۋىنان 444 ادام شىعارىلدى
دەپ حابارلادى ق ر ءى ءى م توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ.
قازىرگى كەزدە ءبىر تاۋلىكتە اتالعان وبلىستار بويىنشا (س ق و، قوستاناي، اقمولا وبلىستارى) 444 ادام قاۋىپسىز جەرگە شىعارىلدى، سونىڭ ىشىندە 11 بالا بولعان، ال 174 تەحنيكانى سۇيرەپ شىعاردى.
«6 - ناۋرىزدا ءبىر كۇننىڭ ىشىندە وبلىستاعى تيميريازيەۆ، ەسىل، ايىرتاۋ، ع. مۇسىرەپوۆ جانە تايىنشا اۋداندارىنىڭ كۇرە جولدارىندا قار قۇرساۋىندا قالۋدىڭ 48 وقيعاسى تىركەلگەن، سونىڭ ىشىندە قۇتقارۋشىلار، جول قىزمەتتەرى، جەرگىلىكتى اتقارۋشى ورگانداردىڭ كۇشىمەن ىشىندە 108 جولاۋشى بولعان 73 تەحنيكا قاۋىپسىز جەرگە شىعارىلدى»، - دەپ حابارلادى ر. يمانقۇلوۆ.
قاۋىپسىز جەرگە شىعارۋ بويىنشا نەگىزگى جۇمىستار ايىرتاۋ اۋدانىندا دا جۇرگىزىلىلىپ جاتىر.
قازىرگى كەزدە اپاتتىق- قۇتقارۋ جانە ەۆاكۋاتسيالىق جۇمىستار جالعاستىرىلۋدا.
اپاتتىق- قۇتقارۋ جۇمىستارىن جۇرگىزۋدى ۇيلەستىرۋ ماقساتىندا س ق و ت ج د- ءنىڭ داعدارىس ورتالىعىندا جەدەل شتاب قۇرىلعان. زارداپ شەككەندەر جوق.
«وبلىس تۇرعىندارى سونىڭ ىشىندە س م س- حابارلامالار ارقىلى اۋا رايىنىڭ قولايسىزدىعى تۋرالى ەسكەرتىلگەنىن اتاپ وتەيىن - ۇيالى بايلانىستىڭ 565 مىڭنان استام ابونەنتتەرىنە حابارلاما جىبەرىلگەن. داۋىلدى ەسكەرتۋ تۋرالى سونداي- اق پەتروپاۆل قالاسىنىڭ باسقارۋ ورگاندارى، وبلىس اۋداندارى، كاسىپورىندارى حابارلاندى»، - دەپ قوستى ول.
تۇرعىندارعا اۋا رايىنىڭ قولايسىز جاعدايىندا كولىكپەن ۇزاق جولعا شىعۋ قاۋىپتى ەكەنى تۋرالى تاعى ەسكەرتىلدى.
