اقشا ايىرباستاۋ ورىندارىندا دوللار 443 - 448 تەڭگەدەن ساۋدالانىپ جاتىر

الماتى. قازاقپارات - استانا مەن الماتى قالالارىنداعى اقشا ايىرباستاۋ پۋنكتتەرىندە دوللار 443 - 448 تەڭگەدەن ساۋدالانىپ جاتىر، دەپ حابارلايدى قازاقپارات ءتىلشىسى.

Kurs.kz دەرەكتەرى بويىنشا، استاناداعى ۆاليۋتا ايىرباستاۋ ورىندارىندا 1 دوللار 443,5- 448 تەڭگەدەن ساتىلىپ جاتىر. ال الماتىدا دوللار باعامى 444,5 - 447,5 تەڭگە ارالىعىندا قۇبىلىپ تۇر.

25- شىلدە كەشكى ساۋدا قورىتىندىسى بويىنشا، دوللاردىڭ ورتاشا باعامى 0,23 تەڭگەگە تومەندەپ، 445,07 تەڭگە بولعان. ۇلتتىق بانكتىڭ 26- شىلدەدەگى رەسمي باعامى - 1 دوللارعا 445,06 تەڭگە. رەسەي ءرۋبلىنىڭ ورتاشا سارالانعان باعامى 4,94 تەڭگە بولدى. الماتىداعى اقشا ايىرباستاۋ ورىندارىندا رەسەي ءرۋبلى 4,81 - 5,03 تەڭگە ارالىعىندا ساۋدالانسا، استانادا كورشى ەل ۆاليۋتاسى 4,85 - 4,95 تەڭگەدەن ساتىلىپ جاتىر.