12:51, 19 - جەلتوقسان 2016 | GMT +5
كاسپيدە جوعالىپ كەتكەن مۇنايشىلاردى 44 كەمە مەن 6 تىكۇشاق ىزدەستىرۋدە
استانا. قازاقپارات - كاسپيدەگى اپات ورنىندا جوعالىپ كەتكەن مۇنايشىلاردى 40-تان استام كەمە، 6 تىكۇشاق جانە 700 دەن استام ادام ىزدەستىرىپ جاتىر، دەپ حابارلايدى ر ي ا نوۆوستي ازەربايجان مەملەكەتتىك تەڭىز اكىمشىلىگىندە قۇرىلعان شتابقا سىلتەمە جاساپ.
بەيسەنبى كۇنى ازەربايجان مەملەكەتتىك مۇناي كومپانياسى (SOCAR) قاتتى سوققان جەلدەن اپات تۋىنداعانىن حابارلادى. جەلدىڭ ۇيىتقي سوعۋىنان مۇناي جيناۋ بولىمشەسىنىڭ 150 مەترگە سوزىلاتىن ەستاكاداسىنىڭ ءبىر بولىگى تەڭىزگە قۇلادى. مۇناي جيناۋ بولىمشەسىندە كەزەكشىلىكتە بولعان بەس ادام ءىز- ءتۇزسىز جوعالىپ كەتتى. ءبىر مۇنايشى - يلحام اليگۋسەين وگلۋ گافاروۆتىڭ دەنەسى تابىلدى.
