الماتىدا 44 جاستاعى انا 14-بالاسىن دۇنيەگە اكەلدى
بۇل تۋرالى قوعامدىق دەنساۋلىق باسقارماسىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.
كوپبالالى انا ءسابيىن الماتى قالالىق پەريناتالدى ورتالىعىندا بوساندى. 7 ۇل مەن 7 قىزدىڭ اناسى دارىگەرلەرگە العىسىن ءبىلدىردى.
«قۇدايدىڭ بەرگەنىن قۋانا قابىلدايمىز، ارينە. سوندىقتان، ۇلكەن وتباسى بولىپ وتىرمىز. قازىر تۇڭعىشىمنىڭ ءوزى اكە اتانۋعا دايىندالىپ ءجۇر. نە بولسا دا، باستىسى باسىمىز امان بولسىن» - دەدى قالا تۇرعىنى ەلەنا بوروديۋك.
باتىر انانى بوساندىرىپ العان دارىگەرلەردىڭ ايتۋىنشا، نارەستەنىڭ بويى 55 س م، سالماعى 4 كەلىدەن استام. قازىر انانىڭ دا، بالانىڭ دا دەنساۋلىعى ءبىرقالىپتى.
«جوعارعى توپتاعى قاۋىپ-قاتەردەگى قان كەتۋ بولعاندىقتان، بۇكىل ۇجىم بولىپ اتسالىسىپ، ايەل ون ءتورتىنشى بالاسىن امان-ەسەن بوساندى. سالماعى 4 كەلىدەن اساتىن قىز بالا دۇنيەگە كەلدى» - دەدى الماتى قالالىق پەريناتالدىق ورتالىعى باس دارىگەرىنىڭ ورىنباسارى ءجاميليا يسايەۆا.
